O Becerreá comeza co mesmo ritmo co que rematou

O Paradela tamén exhibiu o seu poderío na casa e superou a un recén ascendido Lemos B

Foto de portada: Mariluz Fagín

Luca´s Grill
Moreno´s Pizza

Volveu a Segunda Rexional ao seu formato habitual na liga regular. Dezaseis equipos en cadanseu grupo da categoría lucense competirán ao longo de trinta xornadas. O primeiro de cada grupo ascende directo e do 2º ao 5º xogarán un play off, a principal novidade para este curso.

Na zona norte, a competición comezou accidentada para o incombustible Lourido. A ambulancia tivo que vir a Lomba buscar ao lateral meirego logo dun choque co gardamallas rival. Continúa recuperándose no hospital. Polo menos o seu equipo puido dedicarlle os tres puntos ante o Folgueiro.

Deportes Élide

Con bo pé comezou tamén o Iberia coa súa vitoria na casa ante a Fonsagrada. A domicilio foron quen de gañar na primeira xornada o Roupar, o Xermade e o Muimenta. O Roupar venceu no Cascabeiro ante un Celta Barreiros en construción. O Xermade superou ao filial do Castro que se estreaba na categoría e o Muimenta derrotou no derbi ao Cospeito pola mínima.

Tamén gañou nesta xornada a Candelaria adestrada por Abel Eijo ante o Alfoz. O Guitiriz e o Cabreiros igualaron na xornada inaugural cun gol visitante nos últimos intres e o Goiriz e a Comercial empataron sen goles no Ventiño.

Na zona sur, a SD Becerreá comezou a tempada como a rematou. Gañando con contundencia, neste caso a domicilio ante o Corgo. Tamén o Paradela chegou a cifra de cinco goles e venceu ao Lemos B. Non se quedou escaso na conta goleadora o Ferreira. Marcou catro no seu duelo ante a Milagrosa.

Ademais do Becerreá, o único equipo que foi quen de vencer a domicilio foi o San Roque. Fixóo pola mínima nun partido histórico no Catro Ventos para o Carballedo, a súa primeira cita en 2ª. O gardamallas Roi foi o único imbatido na zona sur. O filial da SD Chantada logrou superar ao Brollón pola mínima.

Por outra parte, o empate a un gol foi protagonista en tres encontros. Con este resultado finalizou o partido entre dous recén descendidos: Friol e San Lázaro; o choque xogado no Rodríguez Lago entre o Sporting Lucense e o Río Sil; e duelo do Ladairo entre o Guntín e o Oural.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 558

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.