A terceira xornada da Terceira Rexional deixa ao filial do CD Castro como líder en solitario no norte. Feito que se produciu ao aprazarse o encontro entre o Nausti e o Rioaveso. Na zona sur, seis equipos están empatados a seis puntos.

Na zona norte, o Nuevo Nausti – Rioaveso Machinango suspendeuse por un accidente doméstico do xogador Héctor do cadro local. Pola súa parte, o Castro B impúxose no Catro Ventos ante o Cazás. No conxunto xermadino a nota negativa foi a lesión de Marcos Gómez. A Comercial sumou o segundo triunfo do curso ante o filial do Friol. O Catro Roldas colle confianza coa segunda vitoria na súa visita ao Celeiro.

Lemos B, Sober, Rubián, Castroverde, Monterrroso B e Carballedo empatan a seis puntos nos primeiros postos da zona sur. Nesta xornada saíu vitorioso o Lemos B por goleada ante o Taboada B. Fixo o propio o Sober ante o Relámpago Taboada. Por dous goles de diferenza venceron o Monterroso B ante o Carballedo e o Rubián ante o Castroverde.