O anecdotario: “Ver ou non ver, esa é a cuestión”, por Álex Pérez

A importancia da visión no mundo do fútbol en dúas pequenas anécdotas

A falta dunha, van dúas anécdotas. A diferencia entre ver e non ver.

Recordo que tiñamos un compañeiro, non galego. Un día xogabamos contra o Compostela. E claro, viu no grupo de Whatsapp que se quedaba no Vero Boquete. Entón colleu e escribiume por privado:

-Oíches Álex. Que é eso de Vero Boquete? Ver el agujero?

A proba do delito

Non sabía que lle cambiaran o nome a San Lázaro!

A segunda anécdota é a do compañeiro que nunca fora capitán. E tocoulle un día determinado. Estaba todo emocionado. Xogabamos contra o Boiro alá. Sorteo de campos, asubía o colexiado para comezar. Sacaban eles ademais. Segundo se move o balón, empeza a berrar, correndo cara o colexiado:

-Para, para, para!

Collen os outros, paran o balón e danlle o balón ao árbitro. Obviamente, preguntáronlle que pasaba. A resposta:

-Estamos dez!!!

Estaba Omar (ex Racing Villalbés, actual xogador da Sarriana) aberto alí en banda, cun cartel verde ao fondo, e o noso capitán non o viu. Debeuse fusionar o cartel ca camiseta de Omar…

Álex Pérez Prado. Xogador da Sarriana. Lateral zurdo contrastado onde os haxa.

Imagen por defecto
Diego Díaz Martínez
Polivalente hiperactivo. Enfermo do "balompié". Só estás a un mal día de ser coma min.
Artículos: 752

Deja un comentario