Polvorín e Racing Vilalbés agasállannos cun festival de goles

Necesitábamos goles. Son a salsa do fútbol esta xornada os conxuntos lucenses déronnos un agasallo. Catro marcou o Polvorín no seu primeiro encontro da temporada. Mágoa que fosen contra outro equipo da nosa provincia. O Viveiro chegaba ao derbi líder, pero non puido cos de Álex Ortiz. O Racing Vilabés fixo cinco tantos ante un frouxo As Pontes e mantense invicto.

Triunfo do Polvorín no derbi provincial ante o Viveiro cun póquer de Cristian (4-1). Aínda que a vitoria local foi xusta, o marcador pode considerarse abultado para o visto na Cheda. O conxunto mariñán, que chegaba líder, entrou ao partido dominando, con moito xogo por dentro aproveitando a calidade dos seu xogadores. Ao filial albivermello costoulle entrar no partido. Falta de ritmo e de precisión despois de varios días parados por mor do Covid-19. Non houbo case que ocasións na primeira metade, tan só a que propiciou o primeiro tanto do partido. Cristian colocou o balón na escadra da porta de Manu Cedrón. O Viveiro tivo o balón, pero non foi quen de chegar con perigo á área rival. Na segunda metade, o conxunto de Chusky saiu na procura do empate, pero un erros dos centrais facilitou o segundo tanto local. Cristian plantouse só ante o gardameta viveirense e definiu cunha vaselina. O Viveiro adiantou liñas na procura do gol e o Polvorín fixo dano á contra. Nunha delas Iago Novo deu o pase da morte a Cristian que fixo o terceiro desde dentro da área. A falta de cinco minutos para o final, Quindimil fixo falta ao borde da área e Xaime na súa gran especialidade, non perdonou e fixo o tanto para o Viveiro. Co tempo cumprido, noutra contra dos de Álex Ortiz, Cristina culminou a súa gran tarde co cuarto tanto.

O Racing Vilabés resolveu o encontro ante o As Pontes en media hora (5-1). O partido comezou sen continuidade no fútbol de ámbolos conxuntos, pero todo cambiou cando os chairegos lograron romper a defensa visitante. Primeira ocasión e primeiro gol. Buyo, nunha boa xogada por banda esquerda, deixou un balón en bandexa para Dani Pedrosa, que logrou o seu primeiro tanto coa camiseta do Racing. Non quixo ser menos Santi Gegunde, que tan só cinco minutos despois fixo o segundo tras definir ben ante Paco. Nese tramo de partido Dani Pedrosa e Santi Gegunda volveron tola á defensa do As Pontes. O terceiro tanto foi obra de Make ao culminar unha boa acción entre López e Jose Varela. Antes do descanso, Santi Gegunde puido marcar o cuarto, pero desta volta Paco gañoulle a partida. Dos visitantes en ataque na primeira metade tan só unha falta que botou Vilela. Logo do paso por vestiarios, Pedrosa gozou doutra boa ocasión para ampliar diferencias pero o seu disparo bateu no pao. Pouco despois, o ribadense serviu un bo balón para o tanto dun Cuadrado que entrou no descanso e non desaproveitou a súa oportunidade. O quinto chegou pouco despois. De novo Cuadrado marcou, desta volta a pase de Ángel. A partir de aí o Racing baixou o ritmo e Simón Lamas moveu o banquiño. Rares, Marino e Anxo tiveron os seus primeiros minutos da temporada. O As Pontes logrou facer o gol da honra por medio de Álex Del Río, que marcou logo de aproveitar un rexeite á saída dun córner. Javi Rumbo, que ocupou a portería do conxunto vilalbés, realizou un par de paradas de mérito no tramo final a lanzamentos de Gonzalo e Rubén Pardo.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 498

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.