Nacho visitará á Madalena na primeira xornada de liga

O Racing Villalbés e o Viveiro da Terceira RFEF xa teñen o seu plan de partidos para a temporada 2022/2023. A categoría menos numerosa dos últimos anos (só 16 equipos) comezará a finde do 11 de setembro. A liga regular está previsto que remate o 23 de abril.

Luca´s Grill
Moreno´s Pizza

A primeira xornada xa abrirá con moito sabor provincial. O Racing empezará a competición na Madalena recibindo ao Estradense. O conxunto da Estrada está preparado por Nacho de Foz. O ex xogador volveu aos bancos da Terceira logo dun tempo parado.

Será unha boa proba para o cadro de Simón Lamas que se reforzou este ano en cantidade e calidade. Hai moitas expectativas postas logo da chegada de futbolistas como Pablo Rey, Marcos Álvarez ou Santi Gegunde. Pola súa banda, o Estradense inicia novo ciclo logo da saída de Alberto Mariano que lograra consolidar ao equipo con boas tempadas na Terceira.

Deportes Élide

Quen inicia novo cambio de ciclo tamén é o Viveiro. Os pupilos de Alberto López comezarán o curso cunha viaxe a Redondela para enfrontarse ao Choco. Ambos equipos foron rivais a pasada tempada pola permanencia e conseguiron finalmente manterse na división.

Non haberá que agardar moito para vivir o único derbi provincial desta campaña. Na xornada 4 (a primeira fin de semana de outubro, antes do San Froilán) o Viveiro recibirá en Cantarrana ao Racing. Na segunda volta xogarán en feudo vilalbés na primeira finde de febreiro.

Simón Lamas
Simón Lamas iniciará a súa cuarta temporada dende o inicio (quinta en total) como adestrador do Racing

Primeiras cinco xornadas Racing:

Racing Villalbés – Estradense

Arzúa – Racing Villalbés

Racing Villalbés – Rápido de Bouzas

Viveiro – Racing Villalbés

Racing Villalbés – Gran Peña (que exerce como Celta C)

Alberto López colle o timón dun Viveiro con moitos xogadores recén chegados a Galicia. Foto: Viveiro CF

Primeiras cinco xornadas Viveiro:

Choco – Viveiro

Viveiro – UD Ourense

Somozas – Viveiro

Viveiro – Racing Villalbés

Barco – Viveiro

A fase regular constará de 30 xornadas nas que se decidirá o campión que ascende directamente á 2ª RFEF. Ademais do 2º ao 5º clasificado xogarán unha fase de ascenso a dobre volta. A continuación deixamos algunhas claves en relación as datas:

  • Non haberá competición na finde do 9-10 de outubro (previa ao festivo do Pilar, mércores). O parón é provocado pola competición europea que terá a selección galega de afeccionados.
  • Non haberá liga na finde do 12-13 de novembro.
  • Si haberá xornada o 8 de decembro (festivo da Inmaculada Concepción, coincide en xoves)
  • A liga deteríase o sábado 17 de decembro (xornada unificada, o domingo será a final do Mundial) e volvería tres semanas despois na finde do 8.
  • A competición xa non volvería parar ata o final de liga. Non habería parón en Semana Santa

Pódese consultar o calendario ao completo neste documento da Real Federación Galega de Fútbol: Pulsa aquí

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 560

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.