portada maxicos

Máxicos Luca’s Grill. Segunda fase, xornada 10

Os Máxicos puxeron punto e final a unha temporada de fortes emocións. Algúns co obxectivo no peto, outros con bágoas… pero dende hoxe xa están pensando na videira campaña.

Luca´s Grill
Moreno´s Pizza

GRUPO DESCENSO 1:

Deportes Élide

San Lázaro 0-3 Pastoricense: un San Lázaro escaso de efectivos pechou a temporada ante un Pastoricense que necesitaba a victoria para eludir o descenso. Tras unha boa posta en escena, os visitantes encarrilaron o partido. Nada puideron facer os locais ante a versión máis sólida dos do Acebreiro, que se centraron en non encaixar, sentenciaron o choque, e agarbaron outros marcadores. Finalmente, o Pastoricense seguirá un ano máis en Primeira.

Sporting Pontenova 1-1 San Roque: mantuvo a categoría o Sporting e perdeuna o San Roque logo dun choque intenso no que os locais comezaron mellor e anotaron un gran gol no primeiro cuarto de hora. Pero os visitantes reaccionaron e lograron a igualada por medio dun córner directo antes do descanso. No segundo tempo a igualdade foi a tónica dominante, pero o San Roque contou cun par de contragolpes nos que puido anotar e levar os tres puntos da Mina. Porén, a falta de efectividade por parte de ambos bandos non permitiu ver máis goles.

Folgueiro 1-2 Monterroso: o Folgueiro perdeu a categoría tras ser derrotado polo Monterroso no Vicedo. Os visitantes, que non se xogaban nada, aproveitaron os nervios locais e a súa propia tranquilidade para chegar ao descanso mandando 0-2. No segundo tempo mellorou o Folgueiro, que recurtou diferenzas e a piques estivo de sacar algo máis, pero a necesidade apretou de máis aos do Vicedo, que non conseguiron puntuar.

GRUPO DESCENSO 2:

Xove Lago 2-1 Alfoz: comezou mellor o descendido Alfoz ante o necesitado Xove, e de feito os visitantes adiantáronse no marcador. Porén, o Xove -consciente de que tiña que ganar- deu un paso adiante no segundo tempo e conseguiu unha heroica remontada na recta final que lles permitirá seguir un ano máis na Primeira. O ímpetu local foi suficiente neste caso para que o domingo se convertise nunha festa no Municipal.

Friol 2-4 Outeiro: un gran gol de Rafa Casanova no primeiro minuto puxo por diante ao Friol. O experimentado xogador colleu adiantado a Alberto e anotou desde o medio do campo. Os visitantes reaccionaron e fixeron tres goles moi seguidos na recta final do primeiro tempo, 1-3. A segunda parte tivo menos ritmo, pero o Friol adiantou liñas e fixo o 2-3. Porén, de novo o Outeiro respondeu, e sentenciou á saída dun córner, 2-4.

Lourenzá 1-1 Guntín: o Guntín non foi quen de pasar do empate ante o Lourenzá nun Santa Cruz que viu como Montxo se despedía dos terreos de xogo. Logo dun primeiro tempo igualado, o Guntín fixo o 0-1 na reanudación e, pouco despois, Montxo fixo o empate. Tras o 1-1, o partido toleou e puido caer para calquer lado, pero finalmente o electrónico non se moveu. Co empate, os do Ladairo dixeron adeus á categoría.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 524

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.