Residencia e Ribadeo festexan a permanencia e o Foz descende a Primeira

Xornada con moita tensión a última da Preferente. Na fase de ascenso o peixe xa estaba vendido. A Sarriana despediu a temporada cun triunfo diante da súa xente fronte ao Paiosaco mentres que na Pinguela o encontro entre o Lemos e o Sigüeiro tivo que suspenderse por mor da intensa choiva que caeu en Monforte. Na loita pola permanencia estaba toda a emoción. A Residencia cumpliu o trámite e goleou ao Estudiantil na Cheda. Máis tivo que sufrir o Ribadeo, que solventou na segunda metade o seu encontro diante do Pino. Os dous seguirán en Preferente unha temporada máis. Peor sorte correu o Foz, que caeu no Martínez Otero co Victoria, e ademáis o Laracha gañou o seu encontro, o que imposibilitaba a salvación dos mariñáns.

Luca´s Grill
Moreno´s Pizza

Tarde de festa na Cheda coa goleada que certifica a permanencia da Residencia (4-0).

O que se presaxiaba un encontro plácido no que a Residencia certificara a súa permanencia en Preferente cumpliu á perfección as expectativas. Un Estudiantil en cadro non foi rival para os de Dani Galán. O primeiro gol chegou aos sete minutos de xogo cun bo remate de Sergio á saída dun córner. Antes de cumplirse a media hora, un balón ao espazo aproveitouno Tkiki para batir por baixo ao porteiro e poñer terra de por medio. Antes do descanso, un balón en profundidade de Xabi a Rois, rematou co disparo deste desde a frontal. O balón colouse pola escadra.

Deportes Élide

Na segunda metade, a Residencia baixou o ritmo de xogo e o último tanto chegou a falta dun cuarto de hora para o final cun remate de Adrián na área pequena.

Dous goles na segunda metade garanten a continuidade do Ribadeo en Preferente (2-0).

Cortábase cun coitelo a tensión no Pepe Barrera, a pesar do ambiente festivo que se viviu nas ateigadas gradas do feudo ribadense. O cadro celeste dominou o encontro desde o comezo diante dun rival con numerosas baixas. No primeiro minuto David Rodríguez tivo nas súas botas o gol, pero o porteiro estivo atinado. Os de Dani Moirón tiñan o balón, aínda que as imprecisións e o nerviosismo fixeron que non se viran máis ocasións ata o último tramo do primeiro acto. Núñez e David Rodríguez estrelaron dous balóns no pao. O Pino en ataque apenas xerou perigo, salvo nunha internada por banda esquerda que rematou cun tiro de Jorge que salvou ben Dos Santos.

A segunda metade comezou da mellor maneira. Unha boa xogada de Núñez rematou co pase deste dentro da área e o balón foi introducido na súa propia portería por un defensor do Pino. O tanto deu tranquilidade ao Ribadeo e a unha grada á que lle urxía unha ledicia. Poucos minutos máis tarde, Matelo atopouse coa boa intervención de Borja no que puido ser o tanto da tranquilidade. O encontro entrou nunha fase de letargo do que espertou o Ribadeo de súpeto. Nunha comprometida cesión a Dos Santos, este estirouse para evitar o córner, pero non puido atrapar o balón. O atacante recolleu o esférico e disparou a portería e Roi salvou o tanto na mesma liña.

Superado o susto, o conxunto celeste, animado cos trocos, foi a polo segundo gol. Este chegou nunha recuperación de Antón en campo contrario. Santi viu a chegada de Xairo e este rematou lonxe do alcance do porteiro. Triunfo vital dun Ribadeo que xogará a vindeira temporada en Preferente.

O Foz caeu diante do Victoria e pecha un ciclo de catro campañas na Preferente (0-1).

Ambientazo nun Martínez Otero que non puido festexar a permanencia dos seus. A empresa era complexa. Pero os de Gayol tentárono ata o final diante dun rival que tamén se xogaba a permanencia. O encontro foi pechado, con dous equipos conscientes do que estaba en xogo. Ningún dos dous querían perder o encontro na primeira metade. Pero o Victoria foi quen de marcar antes da media hora logo dun saque de esquina. Varios rexeites na área e o zagueiro Plaza rematou ao fondo da portería de Rubén.

O Foz lanzouse ao ataque na procura da remontada e contou con claras ocasións de gol. Dani Chao atopouse coa boa intervención de Álex López a lanzamento desde dentro da área e Gonzalo estrelou o balón na cruceta.

A segunda metade foi un monólogo do cadro local. O Foz colgou numerosos balóns á área, aínda que sen claras ocasións. O Victoria buscou a contra cando os mariñáns envorcados ante a área rival, e tivo algunha ocasión para sentenciar.

O Santaballés sucumbiu ante o maior empuxe dun Xallas que se xogaba a permanencia (5-0).

O encontro apenas tivo historia. O Xallas xogábase a vida no seu campo e o Santaballés, que mantivo numerosas baixas ata o derradeiro encontro, xa descendido non puido facer frente ao empuxe local.

O Xallas non tardou en adiantarse no marcador logo dunha boa xogada colectiva. Aos vinte minutos, cando mellor estaba o conxunto chairego chegou o segundo. O Santaballés foi quen de achegarse con certo perigo á área rival, aínda que sen acerto. Antes do descanso, Álex Blanco fixo o terceiro para os de Santa Comba, e o segundo na súa conta particular cun bo lanzamento de falta. Na segunda metade o encontro seguiu a mesma tónica e chegaron dous tantos máis para completar a goleada.

Malia o marcador, o Xallas perde a categoría, como peor terceiro dos tres grupos.

A Sarriana repúxose do golpe recibido a semana pasada e gañou ao ascendido Paiosaco (3-2).

Encontro moi completo da Sarriana, que foi quen de esquecer o mazazo da pasada semana sufrido en Arteixo e venceu ao Paiosaco, que chegaba á Ribela coa intención de rematar como campión. Nada máis comezar Gerardo abriu o marcador e os de Edu Rodríguez foron os dominadores do balón. O propio Gerardo fixo o segundo logo dun penalti cometido sobre Diego Rey.

Na segunda metade a Sarriana gozou de opcións para sentenciar, pero foi o Paiosaco quen marcou cun penalti transformado por Cristian. A falta de sete minutos para o final, e xa coa Sarriana cun home menos pola expulsión de Gerardo por dobre amonetación, os visitantes igualaron o partido cun tanto de Miguel Dias. No minuto 87, un balón ao espazo aproveitouno Diego Reuy para facer o terceiro.

A vindeira fin de semana, a Sarriana xogará a fase previa da Copa do Rei fronte ao Barbadás, terceiro clasificado do grupo sur.

Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 499

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.