Lucía Pardo (Friol CD Lugo): «Non nos podemos permitir fallar»

Parte case sempre dende a banda esquerda. De caneos certeiros e bos pases entre liñas. Ás veces capitá. Tamén goles. Aínda que non é das que os apunta para sumalos (non o leva a conta, pero marcou 13 tantos no que vai de curso – 10 en liga). Lucía Pardo Méndez “LP” (05 – 01- 2000, Outeiro de Rei) vén de facer cadanseu dobrete nos partidos que o Friol xogou o domingo e o martes festivo. Entre Liga e Copa anda o xogo. Non obstante, o obxectivo agora céntrase na competición regular. O ascenso está cada vez máis preto. Este domingo (12:30h) o Friol afronta a última viaxe longa da tempada. Puntuar en Mareo ante o Sporting de Gijón significaría que o cadro friolés non baixaría do 5º posto. Un salto virtual á 1ªB. Pero o club, a afección e Lucía Pardo desexan ser terceiras.

Futbolinlugo: Como afrontades o partido desta fin de semana?

Lucía Pardo: Vai ser un encontro moi importante. É un rival que está preto (a 9 puntos). Temos que confiar en nós mesmas e ir ao 100% polo partido. Precisamos os tres puntos porque os rivais que nos perseguen témolos a nada (Racing de Santander e Matamá a 3 puntos). Estamos moi preto de conseguilo, pero temos aos rivais moi próximos polo que non nos podemos permitir fallar.

Fil: Un punto aseguraríavos como mínimo ser quintas, pero a meta é a 3ª praza?

LP: Non contemplamos a posibilidade de empatar en Mareo. Imos a gañar, senón non tería sentido. Aspiramos dende o principio da temporada a estar terceiras, agora mesmo estamos aí e queremos manternos para ascender de terceiras.

“As xogadoras non estamos nun ambiente de presión”

A media de idade do once titular do Friol é de 23 anos aproximadamente

Fil: Notades algún tipo de presión por este posible ascenso?

LP: Todos temos gañas, pero non sentimos presión. Polo menos, as xogadores non estamos nun ambiente de presión. Nós seguimos día a día tentando facelo o mellor posible nos partidos.

Fil: Quedan catro xornadas, botades contas?

LP: Ata o de agora nunca falamos diso. Cada fin de semana afrontamos o partido para sacar os tres puntos.

“O Matamá mellorou moito dende o principio”

https://twitter.com/PMFriolCDLugo/status/1108413939170398208

Fil: Cal rival ves máis perigoso para pelexar polo terceiro posto?

LP: Tanto o Matamá como o Racing de Santander son dous equipos moi fortes. É certo que o Matamá mellorou moito dende o principio. Temos un partido con elas na última xornada. Vai ser un encontro moi bonito. Agardo que ningún nos roube o terceiro posto (risas).

Fil: Esta foi unha semana con Copa, axuda ou distrae?

LP: Sempre está ben para que as que menos minutos teñen podan desfrutar do fútbol que é o que máis lles gusta. E tamén para manter a liña. Sempre estamos todas mellor fisicamente.

Fil: Cambiaron moito as cousas este ano co apoio do CD Lugo?

LP: Con Geluco e todo sempre tivo bastante apoio o noso equipo. Pero cousas como por exemplo, xogar no Anxo Carro (que xogamos contra o Racing), sempre suman e sempre axudan.

“Agora véxome moi cómoda”

Lucía Pardo actúa como capitá nalgúns partidos tan só con 19 anos

Fil: A nivel individual, como te estás vendo esta temporada?

LP: Comecei un pouco peor do normal. Pero agora véxome moi cómoda. Marcando goles tamén, aínda que iso tampouco é o máis importante. Síntome cómoda no xogo e co equipo en xeral.

Fil: E como xogadora canto motiva a posibilidade dun ascenso?

LP: Desde o principio de temporada xa tiñamos ese obxectivo en mente. Iso sempre é ilusionante. Tentar ascender. Xa nos dá motivación para os partidos. Sempre o tes un pouco en mente.

Fil: Aspira Lucía Pardo a chegar á 1ª División?

LP: É o soño de calquera de nós. Pero hai que ir pouco a pouco que polo de agora aínda son moi nova.

Fil: Coa boa temporada que estás facendo, chegou algunha chamada para ter opción de xogar nunha categoría máis alta?

LP: Non, non. Só penso no Friol e en conseguir o noso obxectivo que é o importante.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.