Juan Carlos Quiroga é o novo adestrador da Milagrosa feminina

A Milagrosa xa atopou adestrador para dirixir o seu conxunto feminino despois da baixa do francés Vivian Dors. Juan Carlos Quiroga será o encargado de dirixir o único equipo feminino sénior que hai na cidade de Lugo. Quiroga xa era o encargado de adestrar o equipo xuvenil e faise agora cargo, ademáis do primeiro equipo, tamén do infantil feminino. Na súa presentación destacou que obxectivo co cadro sénior “é asentar ó equipo, seguir medrando a todos os niveis, incorporar ás novas xogadoras que proceden do Infantil para que se vaian adaptando as novas esixencias que ten a primeira división galega feminina, e sobre todo, adaptarse ás esixencias da categoría e dos equipos da mesma”.

Na xornada de onte a Milagrosa perdía ante un dos grandes equipos da categoría, o Victoria por 0-3. O conxunto lucense encaixou todos os goles no primeiro tempo e tan só aguantou os primeiros 22 minutos. Con este resultado o equipo é noveno clasificado con 28 puntos.

Imagen por defecto
Iván Calaza
Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.
Artículos: 465

Deja un comentario