Javi Chinchón: «Esperemos ter outra oportunidade no futuro e noutras circunstancias»

O técnico explica os motivos do seu adeus e analiza a súa etapa á fronte do Foz

Coa tranquilidade de quen ve os touros desde a barreira. Así fala Javi ‘Chinchón’ Méndez García (Foz, 1/8/1978) unha vez finalizada a súa etapa á fronte do Foz. Aquí tedes o resultado dunha agradable entrevista co xa exadestrador branquivermello no seu negocio, O Muelle Bar.

Luca´s Grill
Moreno´s Pizza

FUTBOLINLUGO: Boas Javi. Acabouse ese soño que querías cumprir…

JAVI CHINCHÓN: Si, rematou. Para min adestrar ao Foz era un soño. Como cando era infantil ou cadete e pensaba en xogar no primeiro equipo. Non pensei que fose suceder tan cedo. O tren pasa cando pasa e hai que collelo.

Deportes Élide

FIL: E collíchelo, quizais, nas dúas temporadas máis atípicas da historia

Sentín que non había a confianza en min que eu necesitaba

J. C: Prefería telo collido noutras circunstancias, nunha temporada ‘normal’. Facer o equipo ao meu xeito. As cousas foron como foron, cun equipo bastante desquiciado tras unha destitución. Fixen máis traballo psicolóxico que de adestrador. E logo, esta última temporada xa foi totalmente atípica. Esperemos ter outra oportunidade no futuro e noutras circunstancias.

Javi Chinchón, no seu local O Muelle Bar

FIL: No entanto, fuches ti o que renunciaches a seguir…

J. C: Si, a forma de traballar do club non cadraba coa idea que tiña eu de facer o equipo. Antes de comezar unha temporada longa e difícil, de crear problemas e discutir, preferín apartarme. Que buscaran outro adestrador. O presidente e eu pensamos moi distinto.

FIL: Chegaches a sentirte tracionado?

J. C: Non, traicionado non. Sentín que non había a confianza en min que eu necesitaba para continuar.

Os xogadores pensaban que non daban o nivel

FIL: A Preferente de agora é como a de antaño?

J. C: Cambiou moito. Agora os rapaces teñen moito onde elixir antes que o fútbol. Antes era o fútbol e pouco máis. 24 horas fútbol. Agora só pensan nel adestrando e xogando, e non sempre.

Antes de crear problemas, preferín apartarme. O presidente e eu pensamos moi distinto

FIL: Que foi o máis difícil nese cambio de xogador a adestrador?

J. C: Tiven a axuda de todo o mundo desde o primeiro día. Moitos foran excompañeiros meus. O máis difícil foi o traballo psicolóxico e enganchar a todo o mundo. Quería que non se sentisen tan malos futbolistas. Os resultados non chegaban e os xogadores pensaban que non daban o nivel.

FIL: Que che parece o equipo do Foz para esta temporada?

Se sale algo para adestrar afeccionados, de acordo coas miñas ideas, mirarase

J. C: Mantén a base do equipo do ano pasado, quitando algún que non renovou. Coñecendo a Bebo, sei que van traballar moito. Ten que ser un equipo que dé moita guerra no Martínez Otero. Ten que ser o fortín de antaño. Se se perden puntos aquí que sexa por traballar máis ca ti. Vai haber moitos descensos este ano e todos os equipos se reforzaron ben.

FIL: Por onde pasan os próximos retos de Javi Chinchón?

J. C: Seguiremos outra temporada máis cos nenos nas escolas do Santiago de Foz. Ibán Gayol e eu mantemos a ilusión de formar rapaces. Non penso máis alá. Se sale algo para adestrar afeccionados, de acordo coas miñas ideas, mirarase. Quero que chegue o inverno xa para ir ver o fútbol. E aos campos, que se bota de menos.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 858

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.