Edu Rodríguez (Club Lemos): «É posible situar o clube onde se merece cos xogadores da comarca»

Logo de pasar unha moi mala campaña en Preferente, deportiva e extradeportivamente, que rematou co Lemos en Primeira Autonómica, podemos decir que esta que vén de rematar foi a temporada da ilusión en Monforte.

O pasado mes de xullo, Óscar López convertíase no máximo mandatario do histórico clube monfortino, e deulle un xiro absoluto á estructura do clube. De optar por xogadores foráneos e sen apego ao equipo nen á terra, a nova directiva apostou por un plantel cheo de xogadores da comarca, e deulle o timón da parcela deportiva a Edu Rodríguez, un adestrador xoven que tamén ocupa o posto de director deportivo.

Edu Rodríguez comanda o cambio de timón do Lemos, no seu camiño de volta á Preferente

Quixemos falar co «míster» do Club Lemos, que ten moi clara cal é a súa filosofía de equipo.

FUTBOLÍNLUGO: Reestructuración total do equipo para competir en Primeira Autonómica. Como valoras a temporada que vén de rematar?

EDU RODRÍGUEZ: Cando cheguei o pasado verán marqueime deportivamente varios obxectivos. Un era contar cunha plantilla maioritariamente da comarca e outro que poidesemos ser competitivos. Hai que lembrar que cando a xunta directiva se fixo cargo do equipo, só había tres xogadores no plantel. Creo que o logramos, tendo un equipo de vinte xogadores, dos cales dezasete eran da comarca.

Sabiamos que o principal era asentar unhas bases deportivas, unha idea de xogo, pero sendo conscientes que aos nosos socios non lles vale xogar ben e perder, senón que queren que o seu equipo gañe. A verdade é que tamén conseguimos obter resultados, manténdonos invictos na Pinguela ante o penúltimo partido de liga ante o Foz. Conseguimos enganchar de novo a moitísima xente ao Lemos e cada domingo había 400 ou 500 persoas na grada, o cal ten moito mérito para ser Primeira Autonómica. Que tanta xente acuda á Pinguela di moito do traballo que estamos a facer e síntome moi satisfeito.

«Nun só ano fomos capaces de cambiarlle a xogadores e afección a opinión que tiñan deste clube»

FIL: Coa túa chegada ao clube e da nova xunta directiva, afrontástedes un cambio total de filosofía no clube.

ER: Tódolos clubes do fútbol provincial, e incluso en categorías superiores deben apostar pola xente da base, pero sobre todo nesta categoría. De que serve ter un equipo dous ou tres anos en Terceira a base de talonario? Para nós é fundamental que os xogadores teñan unha saída logo de rematala súa etapa de formación. Case tódalas xornadas estabamos xogando con nove ou dez futbolistas da comarca, e pra min esa á clave para voltar a situar o Lemos onde debe estar. E creo que o podemos lograr coa xente de aquí.

Equipo titular do Lemos na Pinguela ante o Bóveda

FIL: Ademáis este ano contaredes cun equipo filial.

ER: Si, este ano teremos ao Lemos B, co obxectivo que xa comentaba. Se un xogador da zona non pode xogar no Lemos que o poda facer no seu filial. E a todos eses xogadores lles imos dar a oportunidade, tanto os procedentes do Calasancio como do Monforte.

FIL: Xa fai un tempo que se anunciou a túa renovación. Como foi o acordo?

ER: Foi sinxelo. O traballo que está a facer a xunta directiva creo que é o correcto. Se non fora así sería máis difícil. Mentras se cumplan os obxectivos que nos marcamos eu vou continuar no proxecto. É importante darse conta como estaba todo cando chegamos, moitos futbolistas non querían saber nada do Lemos. Nun ano conseguimos cambiarlle ese punto de vista a moitos xogadores e afeccionados.

«Denis adáptase á nosa idea de xogo, é unha incorporación importante»

FIL: Tamén selastes xa a renovación de gran parte do plantel, pero faltan pesos pesados como Diego Arias ou Adrián Armesto.

ER: Falta por renovar Diego Arias, Armesto, Anthony, Diego Quiroga, Iván, Lucas Costa e Agustín. Os dous que ti dis foron moi importantes nesta última temporada, pero nunca falarei de individualidades por enriba do colectivo. Evidentemente Diego Arias marcou 26 goles e é o xogador que é. Logo Armesto tamén marcou 16 e contribuiu moito dentro do equipo, pero Gonzalo Torres puxo o seu gran de area, Arturo o seu…os que menos xogan tamén, por iso prefiro destacar o traballo colectivo sempre.

O capitán Diego Arias é un dos xogadores pendentes de renovar para a vindeira temporada

FIL: A primeira incorporación é a de Denis, que chega do Ferreira. Un xogador de ataque con experiencia na categoría e tamén en Preferente.

ER: Si, é un xogador da zona, con experiencia en categorías superiores que se adapta perfectamente á nosa idea de xogo. Técnicamente é moi bo xogador, con moito dinamismo, capaz de asociarse, con desborde e con gol. Unha incorporación importante para nós.

«Vai ser unha Primeira Autonómica moi competitiva e igualada, pero temos que pensar en nós sen mirar aos rivais»

FIL: Non está aínda confirmado ao completo o grupo de Primeira Autonómica na nosa provincia, pero a priori pode ter un nivel superior ao deste ano.

ER: Teño moi claro que vai ser máis complicado. Esperemos que Compos ou Racing Vilalbés ascendan  para que o Viveiro non baixe, pero se non logra manter a categoría será máis difícil se cabe. Temos que pensar en nós, no noso obxectivo que é o ascenso e sen mirar a outros rivais, sabendo que hai unha dificultade engadida que é que baixan moitos equipos da Preferente. Residencia, Outeiro de Rei, Escairón, e logo os que xa están, Chantada, Xove Lago, Riotorto…e logo os equipos que suben de segunda, o Friol ten xogadores que poden marcar diferencias en Primeira, Pol vai facer un bo equipo e Burela por historia, instalacións…é un equipo que vai dar guerra.

Vai a ser unha categoría moi competitiva e moi igualada e o equipo que sexa máis regular e afronte os partidos coa intención clara de sacalos tres puntos terán moito andado de cara a estar arriba. Pero que sexa máis difícil non é excusa, se nos marcamos un obxectivo de ascenso hai que conseguilo. Non facelo non sería un fracaso, pero sí unha decepción.

FIL: Aínda non rematou esta temporada. O sábado tedes encontro de Copa Deputación na Pinguela ante o Chantada.

ER: Afrontamos a Copa coa máxima ilusión posible, pero temos moitísimas baixas, ata sete. Isto pon as cousas un pouco máis complicadas na eliminatoria, pero os que estemos daremos o mellor para tentar avanzar na competición.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 500

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.