Dous lucenses entre os seis equipos que xogarán o ascenso a Terceira

O cambio de categoría e a Copa do Rei, máis accesibles que nunca para os nosos

Non se recorda un plan competicional tan asequible para que os nosos poidan lograr un ascenso a Terceira. Xa que 1/3 dos equipos que pelexen polo ascenso na fase final serán lucenses. Isto é posible debido a que o Grupo C da nova Preferente quedou conformado integramente polos seis representantes da provincia: Residencia, Foz, Lemos, Ribadeo, Santaballés e Sarriana. Os dous primeiros pelexarán cos dous primeiros do Grupo A (7 equipos) e do Grupo B (6 equipos) polas dúas prazas de ascenso á Terceira División.

Os nosos comezarán a súa andadura o 28 de marzo (ao igual que o Grupo B), unha semana máis tarde que o Grupo A (que conta con 4 xornadas máis de competición por ese equipo extra). Disputarán unha liga a dobre volta, que dará acceso a ese grupo decisivo polo ascenso. Durante toda a Preferente haberá dúas xornadas intersemanais ademais da do Xoves Santo. A competición rematará o 27 de xuño.

NOVIDADES NA COPA DO REI

Neste curso tan especial a RFGF quixo cambiar o modelo de acceso á praza existente para a próxima Copa do Rei. Xogaranse ese posto os terceiros clasificados de cada un dos grupos explicados anteriormente (A, B e C). O gañador deses terceiros clasificados disputará unha eliminatoria contra o gañador dos terceiros clasificados dos grupos de Pontevedra e Ourense. Quere dicir que os conxuntos que pelexen polo ascenso, descártanse de xeito automático da loita polo torneo do KO.

DATAS DE INICIO PARA AS COMPETICIÓNS DE BASE

A RFGF recordou que o prazo de inscrición para todas as competicións autonómicas e provinciais de base está aberto ata o próximo luns día 8 de marzo. Os xuvenís, cadetes e infantís iniciarán a competición o 27-28 de marzo mentres que todo o fútbol-8 (alevíns e benxamíns) o fará unha semana máis tarde, do 1-4 abril.

Imagen por defecto
Redacción Futbolinlugo
Artículos: 273

Deja un comentario