Iniciamos un novo repaso aos movementos da provincia pola Primeira Galicia. Abrimos o Diario dun mercado cunha incorporación pola Mariña. O defensa burelao Jairo Amancio Menéndez é a nova fichaxe do Xove Lago.

Xa na Segunda, o Paradela incorpora a ao lateral esquerdo Marco. Trátase dun regreso xa que o futbolista de Paradela xa xogara no equipo da súa vila pero estivera ausente por motivos laborais. Pola súa parte, o Antas perde a un dos seus mellores activos. O prometedor Portu, aínda en idade xuvenil, chega á Residencia xuvenil despois de ser a revelación da tempada no Castro Seoane.

Baixamos á Terceira, onde Pablo Pin renova no Castroverde. No Rioaveso vaise manter un importante bloque de xogadores. Como xa comentamos, o vilalbés Asier Lozano será o adestrador. O gardamallas Guille, os centrais Esteban, Mario e Javi Cruz, os laterais Mini Cabado, Amido e Adrián Martínez ‘Pérez’, o centrocampistas Lingas e os atacantes Kauan, Simo, Alesso e Gesto.

Por último, traemos novas da recén creada Piringalla, que estuda facer nun futuro próximo un equipo feminino (van probar esta campaña cun conxunto de fútbol sala sénior coa intención de amplialo ao campo grande).