O mercado non da tregua. Comezamos este novo episodio con novidades na Sarriana. Os da Ribela seguen incorporando xogadores lucenses ao seu cadro. O viveirense Aldán Naval súmase o proxecto de Jorge Cuesta que xa conta con quince futbolistas. Será a cuarta temporada de Aldán en Terceira RFEF, categoría na que vén medrando en minutos progresivamente. Dúas tempadas no Somozas e a última no Arzúa. Coñece ben ao que vai ser o seu adestrador, xa que ambos coincidieron nas categorías base do Celta.
O Ribadeo anunciou a fichaxe de Pablo Castrín. O de Riotorto será un dos baluartes do novo proxecto dos mariñáns, na que será a súa segunda etapa no Pepe Barrera. Procede do Polvorín, co que xogou a última campaña en Segunda RFEF, onde gozou da titularidade nun bo número de encontros. Un ex compañeiro de Castrín, Xabi Domínguez tamén deixa o filial albivermello para formar parte do Guijuelo.
O All Star Miguel Guedes será novo xogador do Burela. O extremo, formado na SD Ribadeo e na base do Racing Vilalbés, vén de realizar unha gran campaña no Sporting Pontenova. Tamén deixa a Mina Nabriga para unirse ao novo proxecto dun Riotorto que tamén contará co central Adrián, procedente do Portomarín e co lateral Luis Fabian, que chega desde o Sporting Lucense.
No Santaballés renovan cinco clásicos. Ivo, Chechu, Novás, Vérez e Soto seguirán un ano máis no conxunto da Liga. Diego Fente causa baixa no Portomarín de Diego Díaz. De la Iglesia, central ou mediocentro, con pasado na base do Lugo é novo xogador do Outeiro de Rei.
O Alfoz incorpora a Fran Vázquez como preparador físico e man dereita de Nico no corpo técnico. O focense adestrou ao Celta Barreiros, co que acadou o ascenso a Segunda Autonómica. No Quiroga renova o dianteiro Pincha, e no Rio Sil continuará Pani, un dos seus baluartes.
Edgar Tourón regresa ao Racing Villalbés dúas temporadas despois para xogar no seu filial. O gardamallas viñera ao club en idade xuvenil logo de formarse na Sarriana. Despois de dous cursos de sénior con experiencia no Riotorto e no Orillamar coruñés volve ao Racing. Terá de novo como compañeiro a Pedro Roca.
O Muimenta anunciou as renovacións dunha boa parte da columna vertebral do equipo. Na portería continúan Noche e Cancio. Volve unha das grandes parellas de centrais da categoría: Julio Jartín e Iago regresan logo das súas lesións. Manolo e Rubén que chegaron o ano pasado procedentes do Meira tamén seguen. Continúan os irmáns e capitáns Morán e tamén Jairo Gegunde.
Dani e Pitu renovan no Rubián ao que regresa o mediocentro Iago logo de superar a súa lesión.
 | ResponderReenviar |
