A Guía ‘Fútbol en Lugo’ adoita publicarse o máis axustada posible co inicio da competición, cando a maioría dos movementos do fútbol da provincia xa se produciron. Non obstante, sempre se producen movementos de última hora que é inevitable que queden dentro das páxinas da ‘Biblia’ do balompé lucense.

Nos últimos días os equipos trataron de reforzarse xa ca tempada comezada. No fútbol semi afeccionado salienta a incorporación do Racing Villalbés. O cadro chairego suma un efectivo máis coa chegada de Dani Fernández. O futbolista pontés estaba sen equipo logo de desputar o último curso no Viveiro. Dani aportará experiencia e polivalencia (pode xogar de mediocentro ou central) aos de Simón Lamas.

Baixando á Preferente temos que comentar o regreso de Artai Pacios á Residencia. O futbolista procede do Outeiro. E continuando cara a Primeira Galicia adiantámonos a inminente fichaxe que ten previsto anunciar o CD Castro. Trátase dun dianteiro arxentino sen experiencia anterior en Galicia.

Xa na Segunda Rexional continúan os reforzos de última hora do Cabreiros. O equipo ao que chegou o adestrador Paco López a unha semana de iniciar a competición anunciou a chegada de José Luis. O futbolista pode xogar como dianteiro ou extremo e actualmente estaba sen equipo. Ultimamente xogou en veteráns e antes no Oural.