Diario dun mercado. Episodio 308

O Burela continúa renovando o seu bloque da pasada tempada e o Escairón fichando da man de Montoto

Xa consumindo os primeiros días de agosto, pouco a pouco, os equipos da provincia iranse incorporando ás habituais sesións de adestramento do verán. Días de que volva rodar o balón e de coñecer aos novos compañeiros. Pero as presentacións non rematarán aquí porque aínda queda #DiarioDunMercado.

Luca´s Grill
Moreno´s Pizza

Desta volta, comezamos polo PM Friol que continúa anunciando as fichaxes para a nova temporada na que competirá no terceiro chanzo do fut fem estatal. A última en facerse oficial foi a cántabra Carlota Díaz. A lateral ou centrocampista ten experiencia na liga Reto Iberdrola en equipos como o Racing ou o Castellón.

Detémonos no Viveiro na Terceira RFEF que a semana pasada comezaba os seus adestramentos. De varios xogadores que ten a proba, o cadro celeste descartou ao andaluz Bereket e confirmou a fichaxe do lateral Nico Rodas, internacional sub-23 con Guatemala.

Deportes Élide

Na Primeira Rexional, comezando pola SD Burela temos a renovación de Kiko Mariño. O porteiro segue formando parte desa selección de xogadores aos que Futbolinlugo homenaxeu pola súa retirada, pero repensou a decisión. Cumprirá a súa segunda tempada seguida no equipo. O cadro verde tamén comunicou que o delegado Manu seguirá acompañando a Luchi e a Marrube no corpo técnico.

Baixando cara o sur, o Chantada Atlético, que comezou este luns a súa pretempada, anunciou a incorporación de Javier Mirás. O futbolista chantadino é zurdo e pasou pola SD Chantada. Veremos se xa conta con minutos no primeiro amigable, este venres ante o Rodeiro xa en terras do Deza.

Pola súa banda, o Escairón de Montoto continúa conformando o seu equipo. A última fichaxe é a de Iker Díaz. Procede do Calasancio xuvenil, aínda que xogou varios partidos co Lemos.

Na Segunda Rexional, o Brollón comunicou a chegada de dúas fichaxes. A zurda de Jorge chega procedente do Calasancio para vivir o seu primeiro ano como sénior; mentres que outra zurda, a de César, chega dende o Bóveda.

Na mesma categoría, o Chantada B suma dúas novas caras. Únense Brath e Raúl, procedentes do Relámpago Taboada. Tamén suma efectivos o Río Sil, Javi Castro ficha procedente do Bóveda.

Con respecto ao fútbol base, salientamos que Raúl Fernández será o adestrador da Sarriana xuvenil e tamén responsable do fútbol base do equipo da Ribela. No norte, Diego Fdez. ‘Carra’ e Samuel Pernas ‘Chumi’ serán os encargados de dirixir ao Viveiro xuvenil que compite na Liga Galega. Pola súa parte, Erik Rey e Raúl Reigosa prepararán ao equipo cadete da SD Burela.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.