Diario dun mercado. Episodio 298

Case sen tempo pra respirar desde o anterior Diario, as novas no fútbol provincial non deixan de sucederse. Comezamos cun chairego que deixa o fútbol galego. Víctor Eimil, formado nas categorías inferiores do Deportivo, sobresaiu nas dúas últimas temporadas no Arenteiro e o vindeiro ano será xogador do Hércules de Alacante.

Luca´s Grill
Moreno´s Pizza

O Viveiro segue completando o corpo técnico. Dani Pérez, gardameta do Riotorto será o adestrador de porteiros e nutricionista, mentres que Suso Rey, un emblema do fútbol sala mariñán e galego cun amplo historial no Burela FS, O Parrulo e tamén fóra das nosas fronteiras, será o preparador físico.

No Lemos continuará unha temporada máis Varela, un dos seus capitáns. O Burela fíxose cos servizos dun xogador da casa, o ‘All StarDavid Ben, que regresa logo de xogar en Preferente co Foz. Tamén seguirá no cadro verde Miguel Gomes. O Foz, tal e como adiantamos fai uns días, fixo oficial a chegada do gardameta Tomy, procedente do Viveiro e cun amplo historial no noso fútbol nas filas da Milagrosa, Ribadeo, Valadouro ou Burela.

Deportes Élide

O Santaballés manterá na súa nova etapa en Primeira Autonómica boa parte do seu cadro de xogadores. Asinaron a renovación Martín, Josiño, Álex Novás, Palomo, Vérez, Adrián e Nito. No Outeiro de Rei continuarán o gardameta Carlos Mago e David Román, mentres que será baixa Pernas.

Nova incorporación no Chantada Atlético. Luis González chega ao conxunto chantadino logo do seu paso polo Barbadás e a UD Ourense, co que chegou a xogar en Terceira División.

A Comercial anunciou as renovacións do porteiro Joshua e os xogadores de campo Manute, Antón Campello e Jair.

O Mondoñedo anunciou a renovación do incombustible Miguel Lorigados. O de Vilar de Santiago xogará a vixésimo sétima temporada no conxunto mindoniense. Camiño de chegar aos números de Miguel está Fabián, que completará a vixésima campaña no Viñas da Veiga. Tamén Nacho estará ás ordes de Isra, na que será a segunda temporada no club.

Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 499

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.