Continuamos dando conta das novidades nos conxuntos da nosa provincia, e tamén de fóra dela, aínda que case como se foran da casa. O As Pontes, adestrador por Rafa Casanova, renovou ao ex ribadense Martín Traba e asinou ao gardameta Iván Parapar, ata o de agora na Sarriana. No conxunto da Ribela continuará un ano máis o porteiro Javi Liz e o central Óscar Rivas. O viveirense Fidi troca de equipo, aínda que segue na provincia da Coruña. O mediapunta xogará no Ordes, logo de xogar este ano no Galicia Mugardos.
Novidades tamén na portería do Viveiro. Todo apunta a que Tomy sairá do cadro celeste e asinará no CD Foz. Para suplir a súa baixa chegará a Cantarrana Ayoub. O porteiro formado nas categorías inferiores do Celta de Vigo, xa pasou pola nosa provincia, defendendo a porta da Sarriana. Outra nova que estaría a piques de confirmarse sería a chegada de Leandro Gerson ao Lemos. O dianteiro, ex do Ourense CF xogou a última temporada na SD Pol.
O Santaballés, logo de confirmar ao seu corpo técnico liderado por Vitín, comeza a perfilar o seu cadro de xogadores. Ivo, seguirá defendendo a portería da Liga e Chechu correndo a banda na que será a súa decimo terceira temporada no club. O cadro chairego asinou a Play, con pasado no Castro e Riotorto e aos irmáns Criado. Nico volve ao fútbol lucense e Hugo retorna logo do seu paso polo Montañeros.
O Chantada Atlético asinou a Álex Arca, procedente do Atlético Escairón. Novidades tamén no Riotorto, que asinou ao gardameta Dani Pérez, ata o de agora nas filas do Guntín.
O Brollón anunciou a renovación de Damián e do capitán Miguel. Non seguirá no Corgo o seu adestrador Vivian Dors. O técnico continuará adestrando ao equipo feminino da Comercial, ademáis de ser cordinador da base. Outro adestrador que é noticia é Diego Dopico, que renovou como técnico do Roupar por unha temporada máis.
No Goiriz renovan Rubén Rodríguez, Fidel e Marcos Fernández. O Cospeito recupera para o fútbol a Martín, logo dun tempo alonxado dos terreos de xogo. O de Santa Cristina volve ao que foi o seu equipo de sempre, aínda que tamén formou parte do CD Castro, co que ascendeu a Terceira División.
Outro que retorna ao fútbol provincial é Cayón. O lateral xogará nas filas do Celta Barreiros, logo do seu paso polo CD Foz, co que xogou en Preferente.
