Diario dun mercado. Episodio 291

O pastoricense Fiz será o encargado de dirixir ao Sigueiro

Na primeira gran fin de semana do verán hai quen se debate entre a praia, as sesións vermú, as comidas baixo carballos ou a quen non lle queda outra ca darlle voltas á herba seca. Nós recomendamoslles a todos que paren un pouco á sombra e lle boten un vistazo a unha nova entrega do #DiarioDunMercado.

Luca´s Grill
Moreno´s Pizza

Desta volta hai un forte protagonismo para os adestradores. Fiz Rodríguez regresa como técnico á Preferente. Dirixirá ao Sigueiro FC que mantén un convenio de filial coa SD Compostela. Precisamente do Compos é de onde procede Fiz xa que a pasada tempada foi segundo de Rodri Veiga no primeiro equipo santiagués. O pastoricense xuntará agora na mesma localidade as súas dúas paixóns: adestrar e dar clase como mestre de primaria no CEIP de Sigueiro onde xa leva uns anos.

Deportes Élide

Fiz non segue na 2ª RFEF, pero a provincia si seguirá representada na categoría. Guillermo Pigueiras incorpórase ao corpo técnico do Bergantiños comandado por José Luis Lemos (tamén con raíces nas nosas terras). O técnico do Vicedo procede do Victoria da Coruña onde exerceu como primeiro adestrador e agora pasa a ser analista e preparador de porteiros do conxunto de Carballo.

Aproveitando que falamos de directores de bancos, o Páramo ten novo inquilino para o seu proxecto en Terceira Rexional. Jony Lombardía será o encargado de adestrar ao cadro das Rapadas, función que compaxinará coa de preparador da base na Piringalla. O seu segundo e adestrador de porteiros será Martín, tamén técnico do xuvenil do San Roque.

Falando de xogadores tamén miramos fóra dos marcos da provincia. Por un lado o monterrosino Iago Sobrado fará a pretemporada co Arzúa de 3ª RFEF. Tratará de convencer a Alberto Mariano para formar parte do cadro do Viso.

Pola súa banda, o chantadino Pedro Delgado regresa ao Céltiga procedente precisamente do Arzúa para xogar en Preferente. O futbolista xa estivera no equipo da Illa en Terceira.

Na Segunda Rexional o Folgueiro reforza o seu equipo con dous xogadores. Chega o mediocentro Óscar Docal (xogador All Star) que procede do Celeiro e o lateral Isma Gómez procedente da SD Burela.

Isma é unha das últimas incorporacións do Folgueiro

Na Primeira Rexional, salienta a chegada ao CD Foz dun rapaz da casa. Víctor volve ao conxunto focense procedente do Alfoz. Nesta categoría a SD Chantada tamén comezou a anunciar as primeiras renovacións. Kadete, Alberto, Manu, Pulpix, Marros e Fornas seguirán sendo algúns dos estandartes do club sobre o campo e fóra del.

Na 3ª Rexional, o Mondoñedo segue deseñando a nova tempada. Anunciou a renovación de Juancho e de Chachi. Ademais comunicou o regreso de Manu.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.