O Pichón, Muimenta

Diario dun mercado. Episodio 251

A Preferente comeza en menos de quince días. A Sarriana anunciou a incorporación de Fabián Tourón

A semana do inicio do curso escolar, tamén é a do comezo da tempada na 3ª RFEF. Porén, o fútbol con representación lucense xa arrincou esta finde. O PM Friol estreouse con vitoria na Primeira Nacional na súa visita ao Gijón FF.

A fin de semana do 19 será a quenda do inicio da Preferente. O último club en anunciar unha incorporación foi a Sarriana. O cado preparado por Edu Rodríguez incorpora a Fabián Tourón. O canteirán da Ribela xogou no Racing Villalbés xuvenil na súa última etapa.

Na Primeira Rexional, o Castro incorpora a súa estrutura a Abella. O cadro vermello prepara unha estrea ao grande este próximo sábado ás 18h. Xoga diante da súa afección un encontro amigable ante o Ribadeo. Ademais realizará a presentación das categorías inferiores acompañada dalgunha sorpresa no propio Arturo Pereiro que dará que falar.

Na Segunda, o Muimenta continúa perfilando o seu proxecto continuista no Pichón. Tanto Cancio como Javier Noche continuarán defendendo os paus do cadro chairego.

No fútbol feminino, salienta a confección do equipo do Antas. Anunciou a renovación de Paula Santiso e a chegada de Mery, procedente do CD Lugo.

Imagen por defecto
Iván Calaza
Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.
Artículos: 467

Deja un comentario