Chega un novo día de movementos na nosa provincia. E a primeira novidade vén desde un concello que leva varias semanas sendo protagonista: Friol. Nel, o conxunto feminino que pelexará polo ascenso á Segunda División, o PM Friol, anunciou a renovación da chantadina Nerea Rodríguez, xogadora que alterna o primeiro e o segundo equipo das da Reigosa.

No fútbol masculino, o Atlético Escairón continúa a reforzarse logo da súa renuncia a xogar na 20/21. Neste caso, La Voz de Lemos adiantou a fichaxe de Quiroguita polos do Saviñao, onde tamén renova Félix. Na Primeira Galicia, o CD Alfoz voltará aos adestramentos o venres 27. A partires de aí, xogará un total de catro amistosos en setembro: Ribadeo xuvenil (11/09), Xove Lago (19/09), Burela (24/09) e San Ciprias (26/09).

IMAXE: Facebook Siareiros CD Alfoz

Na Segunda Autonómica, Adri García abandona o campo e pasa a ser auxiliar e adestrador de porteiros do Quiroga de Ruboi. Máis ao norte, na capital, Roberto e Dani Cabarcos serán os porteiros da SCD Milagrosa no retorno dos de Frigsa á categoría. Ambos saben xa o que é defender a elástica albivermella. Na Terceira, Iban Lagoa faise cargo do apartado técnico do Sober.

Por último, cómpre falar do fútbol base. A Piringalla incorpora ao colexiado Fernando Díaz ao seu staff técnico, mentres que Peña será o novo adestrador do Sporting Pontenova xuvenil.

Imagen por defecto
Santi Real
De campo en campo. Maniaco do fútbol. En formación continua, aprendendo cada día.
Artículos: 459

Deja un comentario