A actividade dos nosos clubes non para. Coas pretemporadas a piques de comezar ou xa iniciadas, os conxuntos lucenses ultiman os seus corpos técnicos e os seus cadros de futbolistas. É o caso, por exemplo, da referencia do fútbol feminino provincial, o PM Friol, que vén de incorporar a unha nova futbolista: Anabel Hurtado de Mendoza, dianteira de 18 anos procedente do Málaga CF. Ademáis, as da Reigosa xa teñen adestradora: será Covi Regueiro, que da o salto ao banquiño do primeiro equipo desde o filial.

Luca´s Grill
Moreno´s Pizza

Covi será a nova adestradora do PM Friol ‘A’

Tamén hai clubes que, logo de renovar a algún futbolista e asinar a algún outro, teñen a mente posta no inicio da campaña. É o caso do CD Santaballés, que xa anunciou os seus amigables de pretemporada. Serán oito os tests de preparación para os da Liga: CD Lugo Xuvenil «A» (17/08), SDC Residencia (21/08), Racing Villalbés Xuvenil «A» (24/08), CD As Pontes (27/08), SDC Cabreiros (02/09), Meira FC (08/09), SDC San Lázaro (04/09) e SD Outeiro de Rei (11/09).

Continuos movementos na Primeira

Na Primeira Galicia os cadros de xogadores aínda non están completos. Por exemplo, o Portomarín CF anunciou a fichaxe de Mario (ex, entre outros, da base da Milagrosa e o CD Lugo, e que chega desde a Primeira Autonómica da Coruña). A esta únese a de Sergio Cid, gardamallas de Antas de Ulla que se incorpora ao proxecto branquiazul. Un proxecto que, como xa adiantamos, seguirá comandado por Fernandito e cuxo segundo a bordo será un ano máis Pampín.

Máis ao sur, o Chantada Atlético renova ao seu lateral zurdo Pablo, que defenderá un ano máis a elástica atlética. E de volta ao norte, na capital, o San Lázaro renova a outro lateral zurdo: Manel «Mani» continuará no clube celeste, onde xa demostrou que se pode desenvolver en calquer posto da defensa.

O 31 de agosto remata o prazo de inscripción na Segunda e na Terceira

Por último, cómpre falar da Segunda Galicia. Hoxe, a Futgal anunciaba que o prazo para inscribirse na Segunda e na Terceira (así como nas categorías provinciais de base) rematará o vindeiro 31 de agosto. A partires de aí coñeceremos con máis exactitude a data de inicio destas categorías. Por iso, conxuntos como o CD Palas ultiman as negociacións para chegar con garantías a esa data: os dos Chacotes renovan aos férreos defensores Iván e Alvarito.

Iván continuará no CD Palas
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 499

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.