Suso Orxás

Diario dun mercado. Episodio 235

Operación saída en Cantarrana e cambios de última hora na Primeira

Parecía que calmara o mercado. Falsa alarma. Ollo co menú de hoxe, que vén con importantes novidades. Comezamos pola Terceira División, coa operación saída en Viveiro en pleno agosto. O club de Cantarrana, con overbooking de fichas de xogadores maiores de 23 anos, viviu dúas despedidas nas últimas horas. O central Dani Montes non seguirá e Jacob fará as maletas con destino Ribadeo, onde xa xogou varias campañas atrás.

Os de Chusky seguen peinando o mercado en busca dun ‘nove’ ante as lesións de consideración de Arturo e Álex Meitín. Así mesmo, traballan arreo para incorporar dous xogadores sub-23 da zona de Ferrolterra.

Fichaxes varias na Primeira

A Primeira tamén está que arde. O Pol confirmou tres fichaxes. Suma á causa ao defensa Ander (ex xuvenil do CD Lugo) e aos extremos Nadir (Imperátor) e Álex Paz (Viveiro e Foz). En Alfoz xogará o extremo Víctor, asiduo co Foz a pesares de ser xuvenil nas últimas temporadas. E no Chantada Atlético reforzan a súa defensa con Bruno Rodríguez. O exxogador de equipos como Calasancio ou Lemos pode actuar nas posicións de central ou lateral dereito.

Cambio de decisión

Tamén houbo tempo na categoría para dous cambios de aires. O meta Sergio Cid, que ía formar parte do Antas, defenderá a portería do Portomarín finalmente. Mentres que o xa clásico central Suso Orxás cambia Riotorto por Pastoriza.

Apunte feminino

Por último, un apunte de fútbol femenino. O PM Friol comunicou a fichaxe de Noemí Pozo. A xogadora andaluza, de 18 anos, procede do Málaga. Pode ocupar calquera posición do centro do campo. Tamén anunciou a incorporación da porteira María Hueto. A gardamallas, de 17 anos, tamén chega dende o Málaga.

Imagen por defecto
Diego Díaz Martínez
Polivalente hiperactivo. Enfermo do "balompié". Só estás a un mal día de ser coma min.
Artículos: 754

Deja un comentario