Antes de que comece a segunda semana de agosto damos unha volta polos movementos da provincia. Na Primeira Nacional feminina salienta unha nova incorporación no PM Friol. Ariadna Garriga reforza a banda do conxunto friolés. A futbolista de Sabadell procede do AD Mérida.

O Diario dun Mercado lévanos tamén á Mariña. Segundo adianta La Voz, Diego Hermida volve ao Ribadeo. Pola súa banda, o Santaballés anunciou importantes regresos nas últimas horas. Todos eles son de xogadores que xa saben o que é sentir as cores do cadro de Santaballa pero que non militaron no equipo na pasada temporada exprés. Ferreiro reforzará a defensa, Josiño a mediapunta e Dani Sam e Yago a dianteira. Ademais o club confirmou que Marcos Pereiro será o segundo adestrador.

Baixando cara a Primeira Rexional, o Alfoz confecciona o seu cadro de xogadores. O club anunciou a fichaxe do goleador Manolo. Pola súa parte, outro dos club que chega a categoría como ascendido anuncia unha continuidade. Cachón segue no Portomarín. Tamén na Primeira, o Chantada Atlético comunica que Iván López segue no club. O porteiro xa fichara a tempada anterior pero non chegou a debutar ao non haber competición. O gardamallas conta con experiencia no Calasancio, Rubián, Ferreira ou Lemos.