Diario dun mercado. Episodio 147

Fichaxe de renome en Viveiro e moito movemento nos bancos
Asier, no centro, no I All Star Futbolinlugo

Cantarrana bota fume con tanta actividade. Ás renovacións anunciadas de Uriol, Rolle e Pablo Louzao; únese unha incorporación moi desexada dun dos mellores talentos mariñáns. Nas próximas horas será oficial a fichaxe de Asier, ata agora mediapunta do Foz, polo Viveiro. Nesa mesma categoría, os xemelgos Varela seguirán unha campaña máis pola Magdalena de Vilalba. José e Javi continuarán así ás ordes de Simón Lamas.

Jose Varela é un dos xogadores importantes do Vilalbés. De extremo dereito ou incluso de lateral, é un fixo nos onces inicias das últimas temporadas

Na Preferente, o Lemos anunciou as baixas de César Rodríguez, Adrián Ramos e Borja Tazos. Na Primeira, vai de adestradores a cousa. Roberto Ramallal cambia Riotorto por Lourenzá. E na capital, Manolo García capitaneará a nave do San Roque unha temporada máis. Ademais, puidemos saber que o Castro precisa atopar novo presidente. Na asemblea de socios de onte, non se presentou candidatura algunha.

Na Segunda Galicia, Antón Eijo anunciou o seu adeus do Celta Barreiros. Así como fixo o xa exadestrador do Chantada B, Rodrigo Amarante. Os tres equipos principais da Vila do Asma estrearán adestrador na vindeira campaña. Por último, o culebrón dos Hermanos Somoza xa ten o seu desenlace. Cabanelas deixa o seu sitio no banco a Julio Corral, que regresa co Bóveda ao fútbol afeccionado lucense despois dun ano fóra del.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.