Diario dun Mercado. Episodio 145

A medida que o mes de xuño avanza chegan cada vez máis movimentos do fútbol provincial ao noso Diario dun Mercado.

Na Preferente, o Lemos continúa coa renovación de boa parte do seu cadro de xogadores. Desta volta tocoulle ao monfortino Arturo, que selou a renovación para seguir defendendo o arco da Pinguela. E os veciños da Sarriana, unha vez asinado a Charli como adestrador, comezan e perfilar a súa plantilla. Héctor, Carnero, Luisma e os irmáns Keko e Jacobo Vilariño asinaron a súa renovación.

https://www.facebook.com/sarriana/posts/3068466016581159

Unha categoría máis abaixo, o Alfoz comeza a poñer as bases do seu novo proxecto en Primeira. E faino coa renovación dun dos grandes artífices do ascenso: o adestrador Suso Martínez. No Monterroso causará baixa Álex González.

A Segunda Autonómica tráenos a maior parte das novidades. Julio César Castro renovou como míster do Mondoñedo e cumplirá a súa segunda temporada no banquiño do Viñas da Veiga. Moi preto, o Celta Barreiros asegurou a continuidade do zagueiro Iff e o mediocentro Adrián Rivas. No grupo Sur, o Brollón é o gran protagonista. Dani, Messi e Miguel seguirán unha temporada máis ás ordes de Chura. Quen tamén o fará será Pagaza, que reforzará a parcela atancante do cadro da Pobra.

Adrián Rivas continuará como referente no centro do campo do Celta Barreiros

O Lemos B, logo de anunciar un gran número de renovacións, contará con Jorge Fagín, xogador que chega ao filial lemista desde o Calasancio. No Sober, seguirá como adestrador José Manuel Pasín, e apostan pola continuidade da maior parte dos xogadores. Na Terra Chá, Manuel Veiga deixará o banquiño do Rioaveso despois de dúas temporadas.

O fútbol feminino lucense terá un novo representante logo de anunciar o Corgo a creación dun equipo sénior.

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 500

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.