Hoxe traemos unha nova edición do Diario dun mercado. Pese a que normalmente por estas datas os equipos se atopan celebrando ascensos ou pasando de rondas na copa, a desafortunada situación que nos tocou vivir este ano fixo que os movementos de xogadores e técnicos se adiantasen. Son moitos os clubes que xa miran ao próximo ano, preparándose para novos retos, aínda sen saber moi ben como serán as competicións na 20/21.

Deste xeito, as primeiras novas chegan desde a Terceira División. O lateral do Polvorín Álvaro Fernández «Varo» non renovará polo conxunto albivermello, deixando un oco que a entidade capitalina tratará de encher de novo. Na Terceira parece que tamén competirá o Viveiro CF, que renovará ao seu adestrador Jesús Gómez «Chusky». Porén, a renovación non será oficial até que se confirme o ascenso dos de Cantarrana, tal e como apuntou El Progreso.

En canto á Primeira Galicia, a directiva do CD Castro comunicou esta mañá a través de Twitter a súa dimisión «para dar paso a outros proxectos ou persoas con novas ilusións e ideas». Nese mesmo comunicado, asegurábase que a mala situación económica que viviu o clube xa se mellorou e por tanto, agradecíase a todos os colaboradores que o fixeron posible.

Pasando á Segunda Galicia, «Cuchi» non continuará como técnico do Meira, mentres que no sur tampouco seguirá Pedro Castro «Monarca» como preparador do Incio, tras dous anos á fronte do conxunto da Terra Brava. Por último, no que atinxe ao fútbol base, Brais Rozados será o novo coordinador da ACD Sagrado Corazón, tras suceder no posto a Fran Fernández.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.