Diario dun mercado. Episodio 119

Xa coa data de comezo prevista en Terceira e Preferente, continúa a posta a punto dos nosos equipos. Na Preferente o protagonista é o C.D. Foz, que pechou dúas novas incorporacións. Andrés Bustelo, procedente do Xove Lago, reforzará o centro do campo do conxunto de Gayol, mentras que Manolo retorna ao Martínez Otero logo dunha temporada no Riotorto, para facer o que mellor sabe: marcar goles. Fóra das fronteiras da nosa provincia, tres xogadores lucenses formarán parte do Fabril na Terceira División: Iago Parga e Víctor, que retornan logo ao clube logo do seu paso polo Laracha, e Diego Villares, despois de xogar a segunda volta cedido no Racing Vilalbés.

 

Na Primeira Autonómica, Cristian «Rodas« regresa a un Atlético Escairón que segue a confeccionar unha plantilla para pelexar polo ascenso. O Lourenzá presentou dous novos xogadores. Un xa é coñecido: Manu Santamarina, que pasará a formar parte do primeiro equipo logo de rematar a súa etapa xuvenil, aínda que xa participou a pasada temporada ás ordes de Diego Rego. Os laurentinos tamén reforzan a defensa coa chegada de Javi Arruñada, que se formou na canteira do Racing Vilalbés e a pasada temporada formou parte do C.D. Foz. No San Roque cabe destacar as baixas de Aldo e Bruno. O ex gardameta da Milagrosa Luisito defenderá a portería do Pol a vindeira campaña.

Presentación de Manu Santamarina e Javi Arruñada como xogadores do Lourenzá

Os recén ascendidos a Segunda Autonómica acaparan o protagonismo no mercado. No grupo Norte, o Celta Barreiros segue a perfilar o seu plantel e incorpora ao mediocentro Adrián Rivas, xogador formado no C.D. Foz que descolga as botas logo dun periodo de inactividade. No grupo Sur, o Paradela ficha a Rubén, xogador de medio campo ou de banda, no que será o seu primeiro ano de sénior. Estivo na base do C.D. Lugo e Residencia, así como a  Adrián, un gardameta con experiencia na categoría, procedente da Comercial. O Ferreira ficha a Manuel Pedreira, que chega logo de facer unha boa temporada no Río Sil. Álex e Saavedra seguirán unha campaña máis defendendo as cores do Corgo.

No fútbol feminino, o Carballedo case conta co seu plantel ao completo. Coa renovación de Verónica Carballo xa son dezanove as xogadoras confirmadas de cara a nova temporada.

 

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 499

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.