A desvantaxe competitiva do fútbol lucense

Os equipos da provincia da Preferente Norte teñen unha desigualdade competitiva con respecto ao resto de clubs do seu grupo. Neste caso, a maioría da Coruña, agás o Estudiantil que pertence a provincia de Pontevedra onde tamén sofren esta desvantaxe. O problema vén porque na Coruña despútase a Copa entre semana polo medio da liga regular. A Federación Galega considera esta competición como oficial polo que as sancións que se producen na fin de semana poden ser cumpridas neses partidos de Copa e así volver xogar na seguinte xornada da Preferente. Algo que non acontece na provincia de Lugo porque a Copa Deputación celébrase despois de que remate a liga regular.

O Chantada foi o equipo que puxo a atención sobre este irregularidade despois do encontro desta fin de semana que o equipo disputou e perdeu ante o Paiosaco. No conxunto coruñés entrou na segunda metade Javi Fuentes que fora sancionado na anterior xornada por recibir o quinto cartón polo que debía de cumprir ciclo. Ese ciclo cumpriuno no enfrontamento da Copa coruñesa que o seu equipo xogou fronte ao Sobrado dos Monxes. No cadro chantadino sorprendéronse da entrada ao campo do xogador e foi cando se enteraron de que xa estivera un partido sen poder xogar.

Ante o que consideran unha clara inxustiza, á marxe da situación clasificatoria do club e da derrota, decidiron presentar en tempo e forma unha reclamación por aliñación indebida do dito xogador. Nesta mesma xornada deuse un caso semellante. O porteiro do Arteixo, José Hevia fora expulsado na anterior xornada contra o Escairón e Rubén Porto por acumulación de cartóns; como non xogaron a Copa si puideron facelo no partido de Preferente ante o Noia. Nese mesmo encontro o xogador do Escairón Rubén Díaz tamén tiña que cumprir ciclo, algo que fixo no enfrontamento do seu equipo na última xornada ante o Estudiantil.

Dende o Chantada son conscientes de que vai ser un proceso longo, pero aseguran que van ir ata o final para poder chegar a unha solución. Desexan que remate a que consideran unha desigualdade competitiva contra os equipos da provincia da Coruña.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 558

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.