O Acebreiro xa sabe quen serán os protagonistas que se vestirán de curto na tarde do 27 de xuño para deleitar, un ano máis, ao público lucense. Pastoriza tinguirase de gala e desfrutará dos e das futbolistas máis destacados da temporada 2025/2026 para poñer o broche de ouro ao curso na provincia.

En primeiro lugar, o partido feminino promete emocións fortes. A igualdade e a competitividade serán protagonistas nun duelo que enfrontará, do xeito tradicional, a un combinado que representa ao norte da provincia, mentres que outro xogará polo sur de Lugo.

Lugo Norte, protagonistas clásicas no céspede e no banco

Yanire, Goico e Andrea desde o Antas; Mireia, Xiana, Iria e Mary desde o San Lázaro; Pauli e Bele da Comercial; Candela, Irene e Aldara da Milagrosa; Rodríguez e Andrea do PM Friol; Eva Cordero e Ari desde o San Roque. Todas elas estarán adestradas por Héctor Blanco (Milagrosa) e Pili Neira.

Lugo Sur, con sospeitosas habituais

Son parte desta selección Vero, Zazú e Chusa (Carballedo); Ainhoa (San Roque); Iria, Noela, Saray Ferreiro e Caseiro (SD Chantada); Marián, Pdemer e Noa (Monteforte); Nuria, Mel e Iria (Antas) e Nerea e Isa Martín (PM Friol). Dirixirán ao combinado Óscar Méndez e Ana Buceta.

No partido masculino, a igualdade estará garantida nun choque no que os protagonistas demostraron un altísimo nivel ao longo de todo o curso.

Hermo/Tibor (Preferente + Terceira Futgal)

Integran o grupo Ferre (Abadín), Javi (Mondoñedo), Gandoy (Rubián), Rui (Pol B), Alberto (Catro Roldas), Alex Pita (Taboada B), Reija (Piringalla), Fito (Lemos), Brais Prieto e Martín (Lalín), Rubio (Quiroga), Álex P. (Pol), Lourido (Alertanavia), Make (Villalbés), Lorigados (Muimenta), Gabi (Corgo), Dani Pedrosa (Estradense) e Javi Pita (Ribadeo).

O conxunto, dirixido por Abel Rochela e Alberto López, contará con xogadores de Terceira RFEF como convidados especiais (Make e Pedrosa), ademais de varios que competiron na Preferente lonxe dos nosos marcos (Brais Prieto, Martín e Lourido).

Big Mat Huertas (Primeira + Segunda Futgal)

Con Traste e Fiz Rodríguez á fronte, o conxunto amósase moi competitivo. Os protagonistas: Cayuela (Oural), Álvaro Paz (Xove), Mateo (Guntín), Bruno Rico (Ribadeo), Migui (Racing Villalbés ‘B’), Julio (Escairón), Iván (Chantada Atlético), Kadete (SD Chantada), Chris (Milagrosa), Marcos (Riotorto), Kevin (Becerreá), Kanu (Pastoricense), Novo (Guitiriz), Rocky (Celta Barreiros), Diego Fonsa (San Lázaro), Xoel (Folgueiro), Carba (Paradela) e Vilariño (Lemos B).

Para coñecer o nivel de todas as xogadoras e xogadores, xa sabedes: vémonos no Acebreiro!