Carlos Raposo: «Se Dani Galán necesita unha man, aí estaremos»

Vinte e cinco anos de branquiazul dan para moito. Despedimos ao gran capitán da Residencia

O brazalete da Residencia busca herdeiro despois do adeus confirmado do gran capitán. Carlos Raposo Gómez (15-02-1987, Lugo) pon fin a unha extensa traxectoria no noso fútbol. A máis de media vida no conxunto da Cheda, no que acumulaba xa vinte e cinco anos. O seu corazón foi sempre branquiazul e a súa camisola tamén, a excepción de dous anos na base do Club Deportivo Lugo e un no Valadouro no seu primeiro ano sénior. Raposo deixa un baleiro máis que notable, tanto no verde coma no vestiario.

Futbolinlugo: Boas Carlos! Xa pasaron uns días. Está asumido o de non volver patear a pelotiña?

Carlos Raposo: Non era unha decisión complicada, había que tomarla. Hai outras prioridades e había que decantarse pola familia. Toca asumilo, foi complicado e difícil pero xa levo plantexando isto varios anos. Esta temporada foi especial e curta e decidín botar o último ano, axudar ao grupo. Está asumido relativamente.

A Residencia é unha familia, un vestiario que non está roto

Fil: Falabas desta temporada especial. Foi a máis difícil de todas as que levas xogado?

CR: Si, quizais foi a máis difícil. Pola situación dos adestramentos ao principio, non sabes como vai ser a temporada. Non só dependías do fútbol, tamén de temas sanitarios. estaba todo no aire. División dos grupos, liga curta… Todo novo.

Fil: No entanto, este ano non xogache moito…

CR: Non, foi un ano complicado. Eu necesito ese mes de adaptación física e demais que este ano non houbo. E xusto cando te empezas a encontrar mellor acaba todo…

Tiña as ganas e a ilusión, que era o importante. Sen iso, complícase todo

Fil: Co paso das temporadas vimos o teu cambio físico. Eres un Aduriz, dos que melloras cos anos?

CR: Si, a base de traballar e sacrificarse. Adestrar e sacrificio a nivel de alimentación. Manteste un pouco para poder competir. Tiña as ganas e ilusión, que era o importante. Sen esa ilusión de competir, complícase todo. Por sorte, veñen rapaces novos. Contaxian a un de ilusión e queres estar á altura.

Fil: O equipo quedou sen referentes como Dani Galán ou Carlos Raposo. Está o relevo garantizado?

CR: Si, sen dúbida. Hai rapaces novos que veñen pisando forte. Ademais teñen esa ilusión e ese compromiso para adestrar e xogar. Asúmeno ao 100%. Son un grupo unido e iso é primordial no fútbol. Así pódense facer grandes cousas.

Xogar con meu irmán foi unha das mellores cousas que me pasaron

Fil: Como é iso de xogar cun irmán?

CR: Iso é ilusionante, unha das mellores cousas que me pasaron. Sempre quixen xogar con el (Javi Raposo) no mesmo equipo. Disfruteino nos últimos anos, tócalle tomar agora ese relevo. Vaino facer con creces e sobrepasalo. E bo futbolista e a nivel de vestiario. O proxecto seguirá adiante.

Fil:  Que ten a Residencia distinto ao resto dos equipos

CR: A unión, o grupo. Un vestiario que non está roto. Vinte ou vinte e cinco xogadores tirando para o mesmo lado e unha directiva que confía no grupo. Somos unha familia. Non hai división no vestiario nin conflitos entre compañeiros. O persoal e o grupal son o primordial no fútbol. Ao final o fútbol é un deporte colectivo.

O persoal e o grupal son o primordial no fútbol

Fil: Eres dos que pensa que o nivel baixou cos anos?

CR: A nivel competitivo penso que si. Non sei se inflúen temas económicos nin entendo ben o porqué. A miña primeira temporada en Preferente, no Valadouro, vías equipos que en dous anos chegaban a Segunda B. Non sei se se gañou agora en nivel físico. Algo si que decaeu desde o meu punto de vista. A Preferente daquelas era moito máis dura que a de agora.

A Preferente de antes era moito máis dura que a de agora

Fil:  Por onde pasa o futuro de Carlos? Verémoste preto de Dani Galán no banco?

CR: Desconectar de todo é complicado. Irei polo campo, ver adestramentos. E se en calquera momento Dani Galán necesita unha man, aí estaremos. Seguramente sexa o delegado do equipo este ano. Intentarei axudar dentro do posible.

Temos que manter a ilusión, hai que xogar unha fase de ascenso a Terceira

Fil:  O último desexo de Carlos?

CR: Varios. O mellor para o grupo e que manteñan a ilusión. Hai que xogar unha promoción de ascenso a Terceira. Quería desexarlle toda a sorte para este novo reto a Dani Galán e aos compañeiros. Agardo que meu irmán poida ter esa continuidade que un futbolista necesita e que non puido ter, debido as lesións, xa que é un xogador moi importante para nós!

EN CURTO

Un campo: A Cheda.

Un compañeiro: O grupo.

Un adestrador: Álvaro Meilán, ademais fomos compañeiros.

O mellor momento: As temporadas que loitamos por ascensos.

O peor momento: Os descensos e as lesións de ligamentos.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.