Carlos Cora, destino en Ferrol e goles no Valadouro

 

A pasada campaña, Carlos Cora foi un dos grandes artífices do gran ano do Valadouro en Primeira Autonómica. Os seus goles mantiveron o equipo nos postos de privilexio e en algunhas etapas da temporada con podibilidades de loitar polo ascenso.

Agora a súa vida profesional está vinculada ás Forzas Armadas. O seu destino na Marina en Ferrol abriulle as portas de novo do fútbol no Val do Ouro. E como non, o clube acolleuno cos brazos abertos e será unha peza clave na agardada escalada de postos na clasificación dos de Julio César Castro.

 

FUTBOLINLUGO: Moi boas Carlos. Como surxiu a posibilidade volver a formar parte do A.C.D. Valadouro?

CORA: Ola. Ao final da temporada pasada tardei en renovar, xa que, estaba á espera do meu destino na Marina. Cando souben que era Ferrol, decidín renovar no Valadouro de novo, xa que estiven moi contento alí.

FIL: Imaxino que xa terías ganas de comezar a xogar?

COR: Si, pero non puiden facelo ata agora porque non podía correr o risco de lesionarme antes da xura de bandeira. Comecei a xornada anterior no Páramo e esta xa debutei na casa.

Cora, o día da xura de bandeira

FIL: O debut no Árbol non puido ser mellor, doblete e triunfo contra o Taboada.

COR: Unha victoria moi importante. Facíanos falta porque non empezamos moi ben a temporada en canto a resultados, pero xa falábamos co míster que tiñamos que estar tranquilos, creábamos ocasións e o xogo non era malo. No Páramo deixamos a portería a cero e tiramos dous balóns ao pao. Mantendo esta liña gañaremos partidos seguro.

FIL: O obxectivo do equipo esta temporada volve a ser pelexar cos equipos de arriba?

COR: Agardamos quedar na zona alta, pero non loitar polo ascenso. Se finalizamos entre os oito primeiros estaría ben.

FIL: Carlos Cora – Felipe Varela. Unha das duplas atacantes de máis nivel da categoría.

COR: Bueno…hai dianteiros moi bos en Primeira Autonómica. É cuestión de preferencias pra os afeccionados. Manolo no Foz e Juanjo no Xove son dianteiros moi potentes que rematarán a temporada con moitos goles.

Equipo titular do Valadouro no día do debut de Cora no Árbol

FIL: Como viveirense, como ves esta temporada ó Viveiro? Parece un ano complicado na zona baixa de Preferente.

COR: Sigo o Viveiro, pero só en canto a resultados porque non teño tempo de ver os seus partidos. Gustaríame que non pasara apuros e poidera quedar en Preferente.

FIL: Esto foi todo. Sorte e moitas gracias.

COR: Gracias a vós

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 501

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.