Ata o 40 de maio, non te deas por salvado

Este domingo ás 18:00h vivirase unha xornada de infarto en moitos campos da provincia

O refrán di que «ata o corenta de maio, non quites o saio», pero a pesar de que está sendo un maio caluroso nós temos que adaptalo dito. «Ata o corenta de maio, non te des por salvado» é a nosa proposta para afrontar o desenlace das ligas do fútbol afeccionado.

Luca´s Grill
Moreno´s Pizza

Argumentamos unha expresión que case valería para calquera curso, pero que é especialmente acaída para este que estamos vivindo. Por unha banda, os posibles arrastres obrigan todas as temporadas a varios equipos a estar pendentes dos resultados doutros cando eles xa acabaron a súa competición. Isto vese acrecentado este ano porque a campaña remata máis tarde e porque o número de conxuntos implicados é maior (inflúe o maior número de clubs que xogaron na Preferente por mor de non haber descensos).

Ademais houbo algo de polémica coa aplicación dos criterios que deciden que equipo descende ou non. O formato de liga composto de dúas fases complicou a situación. A Federación mesmo aclarou este venres a súa normativa. Entendemos que agora a resolución está clara para todos, pero por se algún equipo non está conforme e opta por recurrir, nós botaremos man do noso refrán.

Deportes Élide

Como máximo baixarán dous lucenses dos tres que pelexan pola permanencia na Preferente Norte

O As Pontes que adestra Rafa Casanova pode decantar o futuro do Ribadeo

Coa 2ª RFEF e a 3ª RFEF finalizadas, sabemos que o descenso do Arousa implica que baixe o Noia a Preferente Norte. O ascenso do Ourense CF permite que o Choco se salve, pero é algo que lle afecta á Preferente Sur. No caso do norte, os descensos confirmados de Noia e Sofán provocan dous arrastres. É dicir, a maiores dos seis descensos directos que hai nos tres grupos nos que está dividida a Preferente, haberá outros dous.

Os tres grupos da Preferente están compostos de cinco equipos cada un. Os dous últimos baixan directos e os dous peores terceiros tamén. Aí está o kid da cuestión na previa da última xornada de liga. Que criterio se segue para decidir quen é o mellor terceiro e sexa o equipo que se salve?

Para decidir o mellor dereito deportivo entre os terceiros clasificados dos tres grupos da Preferente Norte (indepentemente de se teñen ou non os mesmos puntos na 2ª fase) farase do seguinte xeito: mellor coeficiente de puntos entre os partidos xogados na 1ª e na 2ª fase, sen contar os puntos outorgados ao inicio da 2ª fase. É dicir, matemática pura: o número de puntos conseguidos hai que dividilo entre o número de partidos xogados. Esta mesma norma aplícase no resto de categorías.

Botamos as contas de cara a última xornada na que o fútbol lucense se xoga moito. O descenso dun equipo da provincia supón o arrastre dun equipo na Primeira Rexional e posteriormente na Segunda. Polo momento está confirmado que baixan o Escairón e o Santaballés. Foz, Ribadeo e Residencia poderían descender pero é imposible que o fagan os 3, como máximo serían dous.

Ou Resi ou Ribadeo, os dous xuntos non poden baixar pero pódense salvar

GRUPO PERMANENCIA D1 NORTE:

1º SD O Pino 23 pts

2º Residencia 17 pts (coeficiente se perde: 1,187 pts / se empata: 1,218 pts)

3º Puebla 15 pts (descansa na últ. xor) (coeficiente: 1,2 pts.)

4º Ribadeo 15 pts (coeficiente se gaña: 1,531 pts / se empata: 1,468 pts)

5º Estudiantil -2 pts

A Residencia é o equipo lucense que mellor o podería ter para asegurar a permanencia. Conta con dous puntos de marxe sobre o 4º clasificado (Ribadeo) e o Puebla xa non vai sumar máis. Se gaña está salvado. Podería chegar incluso con empatar o domingo. Aínda que nese caso o Ribadeo podería superalo por diferenza de goles (gol average está empatado) e perder a categoría por coeficiente inferior co As Pontes (isto sería nun hipotético caso). O que pode dar máis confianza é que xoga na casa ante un Estudiantil descendido e escaso de efectivos.

O Ribadeo si que ten que botar man da calculadora para terciar o seu futuro. Sabe que se perde, descende. Mínimo ten que puntuar para ter opcións. Nestes momentos ten un coeficiente de 1,48 pts. Xoga na casa ante a SD O Pino. Se gaña está salvado xa que tería sempre mellor coeficiente que As Pontes e Xallas.

Sempre que empate, precisa que gañe tamén o As Pontes para que o cadro pontés non quede 3º do seu grupo. Se o As Pontes é 3º do seu grupo empatando tería mellor coeficiente ca o Ribadeo (se empata). Se o As Pontes é 3º do seu grupo perdendo, terían o coeficiente igualado. Segundo as normas federativas habería que empregar o criterio do xogo limpo.

GRUPO PERMANENCIA D2 NORTE:

1º San Tirso 17 pts

2º Victoria CF 14 pts (coeficiente se empata: 1,156 pts)

3º Laracha 13 pts (coeficiente se empata: 0,93 pts / se gaña: 1 pts)

4º Foz 12 pts (gañando tería un coeficiente de 0,78 pts.)

5º Boimorto 10 pts (coeficiente se gaña 1,3 pts)

O Foz sabe que non depende de si mesmo. Pero que non dependen de si tamén o saben os participantes no sorteo dun coche este domingo no Martínez Otero e a algún vaille tocar; así que todo pode pasar. Ao cadro focense non lle queda outra ca gañar ao Victoria CF. Así metería o equipo coruñés en descenso directo.

Logo o ideal sería que o Laracha non gañase no seu duelo ante o Boimorto. Deste xeito o Foz sería 2º e permanecería. No caso de non ser así, o Foz quedaría de 3º cun coeficiente de 0,78 que non lle alcanzaría para salvarse.

GRUPO PERMANENCIA D3 NORTE

1º Boiro 22 pts

2º As Pontes 18 pts (coeficientes: se perde: 1,468 pts. / se empata: 1,5 pts.)

3º Xallas 17 pts (coeficientes: se perde: 1,1 pts. / se empata: 1,13 pts. / se gaña 1,2 pts)

4º Santaballés 7 pts

5º Escairón 1 pts

O Santaballés e o Escairón xa descenderon, pero o cadro de Santaballa será xuíz do descenso ao viaxar nesta última xornada a Santa Comba para xogar co Xallas. Dese resultado pode depender moito o balompé provincial.

Monterroso, Outeiro de Rei e Lourenzá son os únicos que poden respirar tranquilos na 1ª

Dos equipos lucenses que descendan dende Preferente Norte, dependerá agora a cantidade de arrastres na Primeira Rexional. Nesta categoría tamén queda unha xornada. Hai dous grupos de descenso con tres descensos directos para Alfoz, Friol e San Lázaro. Ademais agora habería confirmados dous arrastres. Segundo está a clasificación a día de hoxe San Roque (por posición) e Pastoricense (por coeficiente) baixarían.

Pero todo podo pasar. Sempre tendo en conta que os arrastres dende a Preferente poden ser ata 2 máis. Os equipos deberán xogar as súas bazas e logo estar pendentes dos resultados da categoría superior.

GRUPO PERMANENCIA D1:

1º Monterroso 19 pts

2º Folgueiro 15 pts (coeficiente actual: 0,77 pts)

3º Pontenova 15 pts (coeficiente actual: 1,148 pts)

4º Pastoricense 14 pts (coeficiente actual: 1,11 pts)

5º San Roque 12 pts (coeficiente actual: 0,88 pts)

6º San Lázaro 10 pts

O único seguro é que Monterroso mantense e o San Lázaro baixa. Logo catro equipos pelexarán por manter a categoría. O duelo máis directo é o do San Roque (o que menos opcións de salvación ten) fronte o Pontenova.

GRUPO PERMANENCIA D2:

1º Outeiro de Rei 24 pts

2º Lourenzá 23 pts

3º Guntín 14 pts (coeficiente actual: 1 pts)

4º Xove Lago 14 pts (coeficiente actual: 1,33 pts)

5º Friol 6 pts

6º Alfoz 6 pts

Neste grupo a cuestión está un pouco máis clara. O Outeiro de Rei e o Lourenzá están salvados e o Friol e o Alfoz descendidos. O Guntín e o Xove Lago xóganse a permanencia aínda que non será cun duelo directo. De entrada, o que quede 3º tería moitas máis opcións de salvarse pero non o tería asegurado en función dos arrastres e do coeficiente con respecto ao terceiro do outro grupo.

O Incio e o Santa Comba baixan polos arrastres de Friol e San Lázaro. Foto: Mariluz Fagín 2019

No panorama actual, temos tres equipos descendidos dende a Primeira á Segunda Rexional. O Friol e o San Lázaro caerían para o grupo sur e o Alfoz para o norte. A maiores xa seguro habería dous arrastres máis. Pero falta coñecer a identidade dos equipos para saber a que grupo van.

A Segunda Rexional xa ten a súa competición cerrada polo que as posicións e os coeficientes están pechados. No grupo norte todo vai por orde clasificatorio, se un equipo da Primeira cae para o norte baixaría o que lle corresponda da Segunda norte por orde clasificatorio. Non obstante, na segunda sur houbo dous grupos de descenso, polo que aí entraría en xogo o coeficiente.

PERMANENCIA GRUPO NORTE:

4º Goiriz 13 pts.

5º Fonsagrada 13 pts.

6º Matela 10 pts.

7º Abadín 7 pts.

8º Mondoñedo 5 pts

Ao descenso do Mondoñedo confirmado en competición, úneselle o do Abadín por mor do arrastre do Alfoz. No peor dos casos, tres equipos máis poderían caer para o grupo norte.

PERMANENCIA SUR 2D1:

2º Sporting Lucense (coeficiente 1,416 pts)

3º O Páramo (coeficiente: 1,54 pts)

4º Santa Comba

5º Quiroga

PERMANENCIA SUR 2D2:

2º Palas (coeficiente: 1,318 pts)

3º Incio (coeficiente 1,1 pts)

4º Bóveda

Aos descensos do Quiroga e do Bóveda confirmados nas súas respectivas 2ª fases, xúntase xa o do Santa Comba e o do Incio por mor dos arrastres do Friol e do San Lázaro. Nestes grupos para decidir quen se mantén na categoría antes ca o coeficiente mirase o posto no que están (un 3º prevalece sobre un 4º). Dous arrastres máis poderían caer para este grupo o que significaría o descenso do Páramo e do Palas. Segundo os nosos cálculos, o Sporting Lucense tería confirmada a súa presenza na categoría un ano máis.

O domingo ás 18:00h xogaranse todos os partidos da Preferente e da Primeira. Estaremos atentos aos posibles cambios que podan ir acontecendo e trataremos de informar na maior brevidade posible.

Se chegastes ata o final lendo, lembrade que o sábado 25 de xuño celebramos no Catro Ventos de Carballedo o II All Star Futbolinlugo. Aínda que non sexades convocad@s, intentade estar porque teremos algo para vós. Vai ser a festaza do fútbol lucense porque para daquela o 40 de maio xa terá pasado.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.