O Friol B métese nos oitavos da Copa eliminando a un Segunda

O cadro friolés superou ao Cospeito na quenda de penaltis

O asunto comeza a poñerse serio na Copa Deputación porque xa só quedan 16 equipos en competición. A próxima finde xogaranse xa os oitavos de final. Equipos de Terceira como o Friol B deron a sorpresa e eliminaron a un equipo da Segunda. Os detalles nunha edición especial dos #OncesFutbolinlugo coa Copa.

Luca´s Grill
Moreno´s Pizza

O filial do Friol protagonizou unha das grandes sorpresas dos dezaseisavos de final da Copa. O conxunto friolés superou nos penaltis a un Cospeito que se presentaba nun gran momento de forma logo de realizar unha boa 2ª fase na 2ª e de eliminar ao Muimenta no derbi da anterior rolda. O partido finalizou sen goles ao final do tempo regulamentario e o pase grazas as penaltis foi para os da Reigosa.

Aínda que as traxectorias son totalmente opostas, o outro equipo de Terceira que superou a un de Segunda foi o Castro B. O filial vermello (recén ascendido á 2ª) venceu ao Mondoñedo (recén descendido á 3ª). Isto permítelle ao Castro B seguir xogando o seu seguinte enfrontamento na casa. Será co Guitiriz. O cadro guitiricense superou a domicilio a un Celeiro que rematou a tempada facendo un digno papel.

Deportes Élide

O Roupar non vai poder tentar mellorar o feito na edición do 2019 (a última que se chegou a rematar completamente). Daquela o cadro verde realizar un gran papel e finalizara subcampión do torneo. Desta volta, quedou eliminado nos penaltis ante o Iberia. O partido de tres goles para cada equipo decidiuse finalmente dende os once metros. Dani cun dobrete e Barrera cun gol foron os protagonistas do conxunto de San Miguel.

Outro dos grandes partidos presupoñíase na Granda entre Candelaria e Cabreiros. Os locais amosaron de novo o bo nivel que foi marcada da casa esta temporada ante un Cabreiros que foi de máis a menos ao longo curso. Agora os pupilos de Jaime Matouse visitarán a Reigosa.

Tamén segue adiante o Fonsagrada. Os pupilos preparados por Nico eliminaron por segunda vez consecutiva a un equipo da Mariña. Primeiro foi o Sanci e agora un Celta Barreiros co que xogou o seu último partido Celeiro. Agora ao conxunto da Montaña tocaralle baixar á Terra Chá para buscar o pase aos cuartos ante o Catro Roldas.

O equipo de Román reviviu o duelo coa Comercial que os enfrontara semanas atrás na loita polo ascenso á Segunda. O equipo amarelo resarciuse desta volta. De novo o choque tivo os penaltis como protagonistas. Aí impuxo a súa lei Víctor. O gardamallas do Catro Roldas detivo tres lanzamentos.

Tamén está en oitavos o Rioaveso que non lle deu moita opción ao Nausti que viña de superar a todo un Meira. A boa noticia para o equipo naustiano foi o regreso de Héctor que xa volve vestir a camisola do equipo da súa parroquia tras recuperarse dun accidente.

Eliminatorias oitavos de final 2ª e 3ª:

  • Rioaveso – Iberia (dom. ás 18h)
  • Friol B – Candelaria (dom. ás 18:30h)
  • Catro Roldas – Fonsagrada (dom. ás 18h)
  • Castro B – Guitiriz (sáb. ás 17h)
  • Lemos B – SD Becerreá (dom. ás 17h)
  • Sporting Lucense – Ferreira (dom. ás 16h)
  • Antas – Milagrosa (dom. ás 19h)
  • Sober – Paradela (horario por confirmar)

Na zona sur, viviuse un gran partido no Luis Pallín. Oural e Paradela querían demostrar na Copa do que son capaces xa que non puideron chegar ata o final da 2ª fase pelexando pola praza de ascenso. Ofreceron un bo partido co Paradela golpeando primeiro (0-2). Non obstante, os locais conseguiron igualar. Na segunda metade Romi forzou un penalti que permitiu aos de Rubén Bergantiños acceder aos oitavos.

Este xoves xogouse o encontro entre o Sober e o Chantada B que fora aprazado na finde por mor do triste falecemento da presidenta da SD Chantada. Os locais impuxéronse en Centeás por un contundente 4-1 ante un filial chantadino que non tivo o seu mellor día.

No resto de eliminatorias non houbo lugar as sorpresas. O recén ascendido á Primeira Antas segue coa usando a súa maquinaria para gañar partidos. Superou ao filial do Taboada cun dobrete de Marcos e outro de Álex Diéguez. Os da Ulloa controlaron o encontro en liñas xerais, aínda que o Taboada si foi quen de crear ocasións de perigo.

O Becerreá tampouco deu opcións ás sorpresas. Derrotou ao Carballedo no Catro Ventos, o escenario do II All Star Futbolinlugo do que daremos máis detalles nos próximos días. A Milagrosa impúxose pola mínima ao Santa Comba e o Sporting Lucense superou a domicilio ao Castroverde. Pola súa parte, o Ferreira venceu ao Río Sil en Pantón. O filial do Lemos botou man dos penaltis para superar ao Rubián.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.