O noso fútbol tamén é internacional

O Incio CF iniciou a tempada nos postos altos do grupo sur da Segunda Rexional. Esta finde empatou no Carboeiro ante outro equipo da zona alta da clasificación, o San Lázaro. Entre os asistentes non estaba o seu socio máis internacional. O conxunto amarelo tivo que enviar un carné de socio ao outro lado do Atlántico. Por primeira vez mandaron un carné a un ‘exiliado’ en Arxentina. A presumir de Terra Brava.

 

Ver esta publicación en Instagram

 

Hoxe enviamos un carnet de socio a Arxentina!! Lembra que aínda te podes facer socio do club para esta tempada(20€ ordinario, 50€ protector). #forzaoincio

Una publicación compartida de O Incio C.F. (@oinciocf) el

O Celta Barreiros quere himno

O conxunto celeste viviu unha semana positiva mediaticamente falando. Aínda que finalmente isto non se acompañara cun bo resultado no seu encontro ante o Cospeito. O cadro de Barreiros rompeu a súa boa xeira que o mantiña invicto nas sete xornadas que levamos na Segunda Rexional.

Pero na sección de redes triunfan como o que máis. Dende hai un tempo hai un certo idilio entre o Celta Barreiros e a música do grupo Novedades Carminha e de Ortiga. As historias en instagram do club celeste adoitaban ir acompañadas dos seus ritmos. Pero ultimamente a relación máis extensa é con Manuel González. O santiagués foi unha das revelacións musicais deste ano en Galicia. As mencións nas redes sociais e a participación de dous membros do Celta no programa da TVG ‘Ti Verás’ puideron estreitar lazos entre o artista e o equipo. Os de Barreiros queren himno e na súa cabeza xa atoparon quen llelo faga. Seguiremos pendentes de como continúa a historia. As relacións de Manuel «Ortiga» coa provincia non rematan aí. As súas raíces familiares están en Carballedo.

O Mondoñedo estivo de estrea

O inicio de tempada non está sendo o desexado para o Mondoñedo FC. Na última xornada perderon ante o San Ciprián. Non obstante, aínda que é o único equipo do grupo que non conseguiu gañar ningún partido, mantense fóra dos postos de descenso. E onte presumiron de segunda equipación. O deseño das camisolas do Mondoñedo xunto coa publicidade inmersa na camisola sempre foron destacadas. Outra máis para a colección.

 

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.