Estamos de volta. Despois dunhas semanas de parón. A publicación da II Guía de Fútbol en Lugo marcou o noso traballo nos últimos días. E protagoniza tamén a nosa sección sobre as redes sociais.

#HaiFuturoNoFútbolDeLugo

É o cancelo co que damos difusión a Guía feita por Futbolinlugo e El Progreso. Como xa aconteceu na publicación da primeira guía, arredor deste cancelo recollemos todas as opinións que se van xerando nas redes sociais sobre a revista do fútbol provincial. Foron moitos os equipos e persoas a título individual que nos transmitiron os seus parabéns. E tamén algún erro. Agradecémolo moito. E recordade que segue á venda. Nos vosos quioscos de confianza podedes seguir pedindo a biblia do balompé lucense.

O compromiso do fútbol

Se presumimos de que o fútbol é moito máis ca darlle patadas a un balón é por xestos deste tipo. A semana pasada foi o Racing Vilalbés. Nesta xornada, o Cabreiros, o Xermade e o Roupar amosaron o seu apoio aos traballadores do sector térmico das Pontes e comarca nas súas reivindicacións.

Publicación Cabreiros: aquí

De pais a fillos

O Alfoz sorprendeu este luns nas redes sociais coa reactualización dunha fotografía de 1982. Antigos e actuais directivos forman parte da composición. Algúns deles xogadores. Na de arriba aparecen (de esquerda a dereita): Regueira, alcalde durante máis de 30 anos e socio nº1 do club; Río, un dos fundadores, inventor do escudo e directivo durante máis de 20 anos; e Xusto, xogador e gran axudante do equipo. Na de abaixo, coincidindo na posición de cadanseu pai: Julián, ex xogador e directivo; Dani Río, xogador e directivo; e David, ex xogador e directivo. De xeración en xeración. A maxia de gardar e reinventar. Xenialidade!

 

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.