As nosas guerreiras da fin de semana!

A pasada fin de semana foi, en certo modo, especial para o noso fútbol feminino. Entre outras cousas, porque o equipo referente da provincia, o PM Friol-CD Lugo protagonizou un increíble choque ante o Racing de Santander (2-2) e, por se isto fose pouco, celebrouse no Anxo Carro.O partido comezou cun gran gol de Marta López, pero o Racing conseguiu o empate antes do final dunha primeira parte marcada pola intensidade e o bo xogo local e, pouco despois de comezar o segundo tempo, as cántabras puxéronse por diante. A partires de aí, as luguesas buscaron o gol con insistencia, ata que o atoparon no minuto 90 por medio de Fanny Varela. Co 2-2, o PM Friol asegurou o «gol-average» favorable ante un rival directo polo ascenso.

Cambiando de categoría á Primeira Galicia, a SD Antas caeu 5-0 ante un rival moi superior, o Viajes Interrías, pese a facer un bo partido, sendo serias en defensa e chegando a contar con ocasións para asinar algún gol. Porén, resultado xusto. A SCD Milagrosa tamén caeu, 0-3, frente á SD Tordoia. O partido decidiuse en vinte minutos, xa que as visitantes asinaron os tres tantos entre os minutos 35 e 55.

Xa na Segunda Galicia, as boas novas chegan por parte do Carballedo CF, que superou 0-1 á Torre SD nun choque no que destacou Laura Delgado e no que nunca peligrou a meta lucense, e por parte do PM Friol-CD Lugo «B», quen destrozou, 7-0, ao Orzán «B». A SD Chantada e a SG Comercial empataron os seus duelos (1-1 ante o Sporting Burgo e 4-4 no campo da Unión Campestre, respectivamente).

No que atinxe ao Fútbol-8, a SD Burela superou 2-0 ao Sporting Burgo «B», nun partido no que non favoreceron as condicións climatolóxicas e no que destacou Carlota Baltar, e a SCD Milagrosa venceu 0-1 no campo do Betanzos «B».

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.