Os sobranceiros da 14ª xornada na Terceira

O Muimenta continúa ao seu, aumentando a vantaxe no liderado despois do empate entre o Alfoz e o Catro Roldas. A sorpresa saltou no Catro Ventos coa vitoria do Cazás sobre a Milagrosa. Todo o contrario no sur, onde manda a igualdade. Ningún dos cinco primeiro conseguiu gañar nesta xornada (un deles foi o Antas que descansou). A vitoria chave foi a do Relámpago Taboada que se coloca en postos de ascenso. O filial do Lemos tamén descansou a pasada fin de semana.

No grupo norte, o Muimenta conseguiu a décimo segunda vitoria da temporada ante o Friol B. O cadro adestrado por Basi aumenta en dous puntos a súa diferenza co segundo, xa que o Alfoz igualou a un gol co Catro Roldas. É o primeiro empate da temporada do equipo verdibranco. O cadro de Román adiantouse no marcador coa nova positiva da recuperación do olfacto goleador de Cleno despois da súa lesión. Non obstante, pouco despois, Sousa empatou o choque para sumar sete a súa conta particular e foi un dos sobranceiros con Valea e Legaspi. Cabado e García guiaron ao Catro Roldas e José Antonio estivo seguro baixo paus.

O Fonsagrada regresou a terceira praza ao vencer a un Lugo Unión que amosou escasa resistencia. Pedro destacou no conxunto fonsagradino que aproveitou a derrota da Milagrosa ante un Cazás dominador a balón parado. Bellas abriu e pechou o marcador; Iago interviu no pase dos catro goles. No quinto posto está o Matela que superou ao Rioaveso nun partido que foi de máis a menos co gardamallas Álex como destacado e cun bo gol de García. No duelo da Mariña gañou o Celta Barreiros logo de remontarlle a un Celeiro que se colocou 1-2 ao inicio da segunda metade. A entrada de Hugo e Xian déronlle outro ritmo ao equipo xunto co bo facer de Máquina, Dani e Robert. O Celeiro non foi quen de manter a vantaxe que collera co dobrete de Mora a pesar de realizar un gran partido.

No grupo sur, o Paradela mantén o liderado a pesar de que empatou sen goles ante un Rubián no que destacou a seguridade defensiva e foi liderado por Miguel e Iago. O cadro adestrado por Rubén Bergantiños tivo os seus momentos no partido pero non foi quen de marcar. Queda con dous puntos de vantaxe sobre o Quiroga que perdeu ante un Relámpago Taboada que se mete en postos de promoción de ascenso. Gachán e o xuvenil Jato (que entrou na segunda metade) foron dos máis destacados no lado quirogués; mentres que Iván Fernández, Adrián e Luismi (con dobrete) foron no Relámpago.

Non aproveitaron a oportunidade para achegarse en exceso ao segundo posto, nin o Castroverde nin o Río Sil. Empataron a dous goles, un dos do Castroverde marcado por David. Xa leva oito sendo o primeiro ano que xoga ao fútbol. En fronte tiña outro bo goleador. Isma marcou un dobrete para o Río Sil e xunto con Adrián Regueiro do Paradela é o máximo goleador do grupo sur con 10 tantos. Tamén colle forzas o Taboada B que venceu ao Sober. O filial taboadense é o último clasificado pero está a tres puntos da sexta posición. Remontoulle un 0-2 en contra ao Sober cun dobrete de Dieguito ademais do bo traballo de David Potente e de Alejandro Rodríguez que debutaba no equipo.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.