O Antas sálvase e o PM Friol B sae do descenso

Vida para as nosas na fase de permanencia. O Lugo cae pero soña cun posible ascenso

Xornada redonda nos grupos de permanencia da Primeira Galega. Os dous representantes lucenses conseguiron dúas vitorias clave na penúltima data da temporada. O Antas para conseguir a salvación definitiva e o filial do PM Friol para dar un paso adiante cara ese mesmo obxectivo.

Luca´s Grill
Moreno´s Pizza

O PM Friol goleou por 8-0 a un Xuventú Aguiño que acusou en exceso as baixas. Nerea Chantada, con cinco goles liderou a ofensiva do cadro de Diego Vivero. Nerea Lombardero engadiu un dobrete. A superioridade do filial da Reigosa foi total durante os noventa minutos de xogo.

Mery, autora dos dous goles do Antas
Deportes Élide

O Antas asinou, no momento máis dificil, un dos mellores partidos da tempada. As de Noe Pires e Dani Abelairas fixeron un inicio de partido moi bo, serias e contundentes defensivamente. A falta de puntería evitou que non chegasen con vantaxe no marcador aos vestiarios. E incluso permitir nos últimos minutos do primeiro acto, que o Chispa se aproximase con máis facilidade.

Na segunda metade, con moita máis calma e intensidade, sucedéronse os goles. En dúas boas xogadas colectivas, Mery definiu á perfección. Co resultado a favor e cunha Nuria espectacular, as do Castro Seoane dispuxeron de moitos minutos de bo xogo ata o remate do partido.

O líder tumbou a un Lugo con posibilidades de ascenso

Nerea Lombardero aportou un dobrete na goleada do PM Friol B

Na fase de ascenso, O Lugo caeu ante o todopoderoso líder nun encontro bastante igualado. Máis por carencias dos dous equipos que por outra cousa. O Lóstrego, xa ascendido, non se xogaba máis que os tres puntos. Pola súa parte, as rapazas de Joaquín mostraron unha baixa intensidade e un bo número de baixas. Os erros puntuais lucenses decantaron a balanza a favor das visitantes.

A falta dunha xornada para o remate da competición, o Lugo ve aínda unha posibilidade de ascenso. A RFEF comunicou que os oito mellores segundos clasificados no territorio español, subirán de categoría. Porén, os clubs non contan con máis datos. Así que a fórmula matemática que manexa o Lugo é sinxela: empatar ou gañar ao Sárdoma en Vigo. E agardar por esa posible pedrea.

Resultados da xornada

Lugo 1-3 Lóstrego

PM Friol B 8-0 Xuventú Aguiño

Chispa 0-2 Antas

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.