Ángel Fraga prefire «non poñer límites» tras a súa reestrea co Racing

O porteiro vilalbés foi titular no primeiro encontro de liga ante o Fabril e deixou a portería a 0

Foto de portada: Racing Villalbés

Luca´s Grill
Moreno´s Pizza

A primeira xornada da Terceira Galega deixou dous empates para os clubs lucenses que se estrearon. O Racing Villalbés empatou sen goles en Abegondo ante o Fabril e o Viveiro igualou a un gol ante o Choco en Santa Mariña. O cadro de Redondela será precisamente o rival do debut para o Polvorín na próxima fin de semana, ao ter que descansar na primeira xornada.

Este martes, no Ser Deportivos Lugo, a presentadora do programa, Sara Meijide e o redactor de Futbolinlugo, Marcos Fernández conversaron con Ángel Fraga na sección ‘O protagonista da xornada’. O porteiro vilalbés reestreouse en partido oficial co Racing logo da súa marcha hai oito anos cara a Madroa.

Deportes Élide

Pódese escoitar o audio da entrevista no SER Deportivos Lugo no seguinte enlace: Entrevista Ángel Fraga (14-09-2021).

Despois de debutar en idade cadete en Terceira co conxunto chairego, Ángel formouse na canteira do Celta, pasou por equipos como o Rápido de Bouzas, Ourense CF, Cerceda ou Polvorín. «Estou moi contento de volver a casa. A xente de aquí confía moito en min. Só teño palabras de agradecemento. Vestir o escudo do Racing é un orgullo», afirmou este martes nas ondas.

O Racing visitou ao Fabril preparado polo ex adestrador Óscar Gilsanz. O partido púxose en contra ao cuarto de hora coa expulsión do capitán López, pero «controlamos moi ben o partido defensivamente; incluso non nos fomos contentos de todo porque tivemos tres ou catro ocasións moi claras para gañar o partido», salientou o gardamallas.

«Non somos un cadro de xogadores moi amplo pero somos un grupo moi competitivo. Iremos día a día sen poñernos límites e coa pretensión de quedar arriba. Acertouse coas fichaxes e xa había un moi bo bloque no equipo», explicouse Ángel sobre as metas que se marca o club para a súa 13ª tempada en Terceira.

Ángel Fraga xogou titular o primeiro partido no canto de Javi Rumbo, o porteiro con máis titularidades o curso pasado no Racing. Ante a competencia baixo paus, Fraga afirma que «a interna sempre é boa»; conta que «Javi é un rapaz excelente» e que traballarán os dous para eles e para o equipo.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.