A Primeira Rexional comezará cun Taboada – Chantada na Medela

A Primeira Rexional xa ten a folla de ruta para que volva a competición dezanove meses despois. A fin de semana do 17 de outubro dará comezo unha liga dividida en dous grupos de dez na 1ª fase. A primeira xornada xa deixa un dos grandes derbis do campionato no Subgrupo A, o Taboada e o Chantada xogarán na Medela.

Luca´s Grill
Moreno´s Pizza

1ª xornada subgrupo B:

  • Burela – Castro
  • Pastoricense – Lourenzá
  • Pol – Pontenova
  • Alfoz – Xove Lago
  • Folgueiro – Riotorto
Deportes Élide

1ª xornada Subgrupo A:

  • Chantada Atlético – Portomarín
  • San Lázaro – Guntín
  • Monterroso – Outeiro de Rei
  • Friol – San Roque
  • Taboada – SD Chantada

Serán 18 xornadas con moito en xogo, xa que os equipos que non queden entre os catro primeiros terán que pelexar pola salvación. De aí que o inicio vaia ser clave, precisamente na finde na que tamén estará na rúa a III Guía de Futbolinlugo.

A liga comezará na zona norte con tres encontros na Mariña. O Burela recibirá ao Castro preparado por Juan Peón, o Folgueiro medirá o estado do Riotorto e o recén ascendido Alfoz xogará o primeiro derbi do curso ante o Xove Lago. Por outra banda, o Pol estreará en competición oficial as novas instalacións recibindo ao Pontenova de Andrés Bouza e o Pastoricense xogará co Lourenzá.

Calendario completo zona norte

Na zona sur, a estrea ligueira revivirá un dos grandes duelos da categoría nos últimos anos. Os encontros entre o Monterroso e o Outeiro de Rei son máis especiais despois daquela final polo ascenso en competición regular en 2017. Ademais do derbi da Medela, o Chantada Atlético recibirá a un Portomarín que volve á 1ª, o San Lázaro estrearase como local pero xa non na Ponte co Guntín e o Friol debuta ante o San Roque.

Calendario completo zona sur

O Monterroso e o Outeiro xogáronse o ascenso a Preferente ao final da liga 16/17

Dende que a liga comece, haberá parón da competición na primeira finde de decembro, coincidindo coa Ponte da Constitución. A 1ª volta da 1ª fase rematará o 19 de decembro, xusto antes das vacacións de Nadal. Para daquela xa se xogarían duelos de proximidade como o San Lázaro – San Roque (31 de outubro), Xove Lago – Burela (7 de novembro) Chantada Atlético – SD Chantada (14 de novembro), Pol – Castro (12 de decembro) ou Chantada Atlético – Taboada (19 de decembro).

A 2ª volta iniciarase o 9 de xaneiro e haberá parón polo Entroido (última finde de febreiro). A mediados de marzo finalizará a 1ª fase. Os catro primeiros equipos de cadanseu grupo xogarán unha liga á parte para pelexar por unha praza de ascenso. Entre os doce equipos restantes organizaranse dous grupos cruzados dos que sairán tres descensos: baixa o último clasificado de cada un deles e o peor penúltimo.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.