Diario dun mercado. Episodio 263

Volve o #Diariodunmercado con sonoras novidades para esta temporada e a vindeira

O fútbol pandémico pode ser marabilloso. E ten cousas tan curiosas como que se producen movementos en abril, tanto para esta temporada como para a vindeira. Comezamos polo máis inmediato!

Luca´s Grill
Moreno´s Pizza

Noe Pires

A pasada semana Melendo dimitiu como adestrador do equipo feminino do Antas, asumindo as responsabilidades de maneira temporal Noe Pires. Nesta semana, agardan deixar solucionado o tema do adestrador/a polo Castro Seoane. Dúas esferas por enriba, o Ribadeo conseguiu o retorno dun vello coñecido para buscar a permanencia sen apuros. O dianteiro focego David Rodríguez volve ao Pepe Barrera para aportar a súa experiencia e algún que outro goliño.

Deportes Élide

Covi, adestradora do PM Friol

Falando de xente experimentada, iniciamos as noticias de cara á vindeira campaña. Unha campaña na que Montxo non vestirá a casaca do Lourenzá. O recoñecido xogador colga as botas despois dunha longa traxectoria de branco e vermello.

Outro adeus é o de David Páez a Cantarrana. Despois de certificar a permanencia, onte coñecíamos pola prensa local a non continuidade do técnico de Sarria. Luis del Río aseguraba que «non renovará xa que buscan outro perfil de adestrador». Pois ben, desde Futbolinlugo quixemos coñecer a versión do preparador. Páez indicounos que a súa marcha débese a outro motivo, xa que hai un mes que comunicou ao Viveiro que el non seguiría a próxima temporada.

No entanto, e para rematar, pola Reigosa agardan a continuidade de Covi á fronte do PM Friol. Despois do ascenso, o presidente Geluco Villar recoñece que ten a necesidade de incrementar o corpo técnico do equipo. Anda na procura dun «fisioterapeuta, un preparador de porteiros e un preparador físico ou segundo adestrador».

Nos próximos días e semanas seguiremos traendo novidades. Xa se están xestando moitas operacións e son numerosos os equipos que se atopan en pleno mercado neste momento. Comezou a festa!

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.