A Primeira Galicia volve reformada

Que ganas tiñamos de dar esta noticia! A Futgal publicou no día de onte o plan competicional da Primeira Autonómica para a 21/22. Unha categoría que, despois de ano e medio de parón, volverá a encher os campos da nosa provincia cun formato diferente ao que nos tiña afeitos.

Luca´s Grill
Moreno´s Pizza

Esta «nova» Primeira é bastante similar á Preferente da que falabamos fai dez días. A principal novidade é que os 20 clubes que participarán nela serán divididos en dous grupos atendendo a criterios xeográficos.

Deportes Élide

Así, o Subgrupo A estará integrado polos clubes da capital (SDC San Lázaro, SDC San Roque) e do sur da provincia (CD Guntín, SD Monterroso, CF Portomarín, Taboada CF, SD Chantada, Chantada Atlético), ademáis da SD Outeiro de Rei e o Friol CF. O Subgrupo B, pola súa banda, estará integrado por conxuntos da Terra Chá e A Mariña (UD Folgueiro, UD Xove Lago, Burela SD, CD Alfoz, ED Lourenzá, CF Riotorto, Sporting Pontenova, UD Pastoricense, CD Castro e SD Pol).

Os equipos de ambos grupos disputarán de forma independente unha primeira fase de 18 xornadas (ida e volta) que determinará os integrantes dos grupos de ascenso e de descenso. Os catro primeiros de cada grupo xogarán polo salto de categoría, mentres que os seis últimos loitarán por fuxir do pozo.

A segunda fase será máis breve que a primeira. Os participantes na fase de promoción xogarán partidos a ida e volta tan só contra os catro rivais do outro subgrupo, completando así un total de 8 xornadas. Somentes haberá un ascenso. Na fase de permanencia crearánse dous subgrupos máis, e en cada un deles descenderá o último clasificado. Tamén baixará o peor penúltimo. O formato será igual que no ascenso, os clubes só se medirán aos rivais aos que non se enfrontaron na primeira fase (10 xornadas).

A competición comezará o mesmo día para ambos subgrupos: o 17 de outubro. Se non hai novidades, a fase regular rematará o 13 de marzo e unha semana despois terá lugar o inicio da segunda fase, que se estenderá ata o 15 de maio no caso do Subgrupo de ascenso e ata o 29 de maio no caso dos grupos de descenso.

Así que xa sabedes, xa podedes poñer a conta atrás nos vosos teléfonos para un ano que promete emocións fortes. Se queredes ver o plan competicional do resto de grupos da Primeira Galicia, premede aquí! Agardamos coñecer nas próximas datas o futuro da Segunda e a Terceira Autonómica.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 535

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.