– Case cen anos de historia avalan a a este equipo como un dos máis coñecidos e laureados non só na provincia, senón tamén en Galicia. Anos na Preferente, anos na Terceira galega e diversas promocións de ascenso a Segunda División B. Pero sen irnos máis aló, a realidade agora é outra. Un equipo feito a principio da tempada con miras a estar no máis alto, está loitando por non caer de categoría.

– O problema? Realmente non sabería responder… Esta temporada foron moitos os xogadores que chegaron a Cantarrana, pero tamén foron moitos os que marcharon co paso da competición, acordándonos tamén dun cambio de adestrador.

-A día de hoxe non serve de nada mirar cara atrás e buscar culpables, nin tampouco preguntarnos que fixemos mal ou que non fixemos ben! A día de hoxe só queda mirar ao frente, xogar os partidos que quedan como se fosen os últimos das nosas vidas. Pero sobre todo, o máis importante, polo que a maioría está aquí, disfrutar do que facemos, disfrutar do fútbol e dos compañeiros, que, ao final, como di todo o mundo, un é o que realmente se leva deste deporte.

– Ninguén sabe como vai rematar esto, pero o que sí sei é que debemos dar as gracias a toda esa xente que respalda e traballa para que este clube siga adiante con ilusión e sobre todo co respeto que se merece.

-Sen espallarme máis, deixo aquí a miña humilde opinión, e animo a toda a afección celeste e a toda persoa que lle guste o fútbol a vir animar ao equipo na derradeira xornada de liga, que será de vital importancia. AÚPA VIVEIRIÑO!!!