Quedan dúas xornadas para os Máxicos da Primeira. O Monterroso achégase moito ao soño de xogar a promoción, mentres que o Iberia descende e a loita por eludir os dous postos de descenso restantes segue enfervecida.

O Brollón segue a complicarse logo de caer en Muíños (5-1). Foi o cadro local —sen apuro clasificatorio— o que se mostrou máis intenso no Día do Traballador. Dous goles en dez minutos iniciais puxeron as cousas moi difíciles a un Brollón cheo de baixas e que mellorou a imaxe do comezo, sobre todo na segunda metade. Porén, o 3-0 que marcaba o electrónico no tempo de lecer tornouse irreversible e o gol lucense solo valeu para maquillar un resultado que deixa aos Máxicos da Pobra coa necesidade de sumar ante Francelos e La Purísima nos dous duelos restantes para manter a categoría.

O Racing Villalbés ‘B’ supera ao Chantada Atlético (4-2). Os erros defensivos cometidos polos Máxicos chantadinos nos primeiros 20′ pasaron factura ao cadro do Sangoñedo, que encaixou tres goles ante unha gran versión chairega. O 3-1 chegou antes do tempo de lecer e, tras a reanudación, os visitantes dominaron, perdoaron numerosas situacións en área e anotaron o 3-2. Porén, nunha transición rápida chegou a sentenza dun efectivo Racing para deixar os puntos no Roca (4-2).

O Monterroso vence ao Guntín nun duelo vital (2-1). Adiantáronse os Máxicos laranxas cunha falta lateral rematada por Álex. O Monterroso perdeu os nervios tras o 0-1 e conseguiu dar a volta ao resultado antes do descanso: Héctor aproveitou un rexeite logo dun disparo á trave de Guaje e Lorenzo puxo o 2-1 desde os once metros. Na segunda metade, os de Cerdeiriños non pecharon o resultado e remataron sufrindo ante un Guntín que amosou unha versión moi seria, pero pouco efectiva.

O Santaballés remonta na casa fronte á Milagrosa (2-1). Un remate de cabeza de Christian logo dunha vantaxe ben aplicada polo colexiado foi o 0-1 dos Máxicos visitantes, que estiveron ben posicionados ao longo de todo o primeiro tempo. Na segunda metade, os locais deron un paso adiante e empataron logo dunha acción de saque de banda. O fútbol directo de ambos conxuntos reflectiu igualdade, pero Vérez desfixo o empate nunha acción na que aproveitou un rexeite do pau logo dun disparo de Dani Sam (2-1). Así, os puntos quedaron na Liga diante dun cadro albivermello que agarda o final da temporada cos obxectivos cumpridos.

O Lourenzá supera ao Escairón e aférrase á categoría (4-1). O «Atleti» non concretou nas primeiras oportunidades do partido e o Escairón errou un man a man no 15′. Non foi ata o 37′ cando Xoel rematou unha falta botada por Paulo para poñer o 1-0. Xa no segundo tempo, Casanova provocou un penalti que transformou Paulo e, pouco despois, de novo Casanova rematou un centro de Lucas (3-0). Os Máxicos do Saviñao recurtaron diferenzas e subiron as súas liñas, pero Antón sentenciou cun disparo desde a frontal no 88′.

Moro non seguirá á fronte dos Máxicos do Iberia no vindeiro curso

O Iberia perde a categoría no Luis Pallín do Oural (2-1). Na primeira metade, o Iberia protestou numerosas accións nas que lle foi sinalado fóra de xogo. No segundo tempo, o colexiado anoulou un gol por falta dos Máxicos de San Miguel, pero pouco despois Miguel Guedes adiantou aos seus cun golazo desde fóra da área (0-1).
A reacción do cadro local foi inmediata: Munir rematou un centro envenenado de Goyanes para poñer o empate no 57′. No 90′, xa co Iberia volcado —e cun xogador menos pola polémica expulsión de Sergio—, Cayuela aproveitou un pase de Marco nun saque de esquina para deixar os puntos no feudo sarrián e sentenciar ao Iberia, 2-1.

O campión non da opción ao Xove (4-0). Aínda que os mariñáns dificultaron moito á SD Chantada no primeiro tempo cunha presión alta que os puxo en apuros, os Máxicos de Traste tiraron de oficio e, tras o paso polos vestiarios, amosáronse moito máis efectivos. Joserra e Damián anotaron dous goles rápidos antes da exhibición particular do xuvenil Mateo, que asistiu a Pablo e Kadete no terceiro e no cuarto gol. Os de Piru tiveron nas súas botas o 1-1, porén, pero Adri errou na definición e os chantadinos demostraron a súa fortaleza na vila do Asma.

A Residencia saca os puntos de Outeiro no último suspiro (0-1). O céspede do Municipal quedou tocado logo dun torneo de fútbol base na fin de semana, de xeito que o xogo directo foi protagonista na tarde do domingo. Logo dunha primeira parte igualada e sen apenas concesións defensivas, os Máxicos locais deron un paso adiante e foron polo partido.

Debasa errou un man a man tras unha gran xogada individual e Álvaro puido anotar desde a frontal da área pequena. Tamén a balón parado xerou perigo o cadro local, pero unha perda de balón chairega no engadido tivo desenlace cruel para uns e afortunado para outros. A Residencia transitou rápido e sacou un centro lateral que a zaga do Outeiro empurrou ao fondo das súas propias mallas para que os puntos escapasen cara A Cheda, 0-1.

O Ribadeo leva o gato á auga no derbi (4-1). O dominio posicional do Foz non deu rédito: o Ribadeo aproveitou tres erros visitantes —os dous primeiros protestados polos do Martínez Otero e o terceiro nun contragolpe—. Os Máxicos de Pelayo axustaron o sistema no tempo de lecer e fixeron o 3-1 ao pouco da reanudación. Porén, co paso dos minutos, os Máxicos celestes tiraron de oficio e anotaron o 4-1 para deixar os puntos na casa e seguir soñando coa promoción.

O Taboada amósase máis famento que o Castro (1-0). O xogo directo do Castro foi neutralizado polo Taboada por completo, agás en accións a balón parado. Logo dun primeiro tempo máis igualado, na segunda metade os Máxicos da Medela deron un paso adiante: catro disparos aos paus, unha pena máxima errada, numerosos centros laterais… Ata que, finalmente, chegou o gol da victoria a cinco minutos para o 90′. O Taboada, así, segue inmerso nunha loita vibrante pola permanencia.