Malia que as imprecisións fixeron que o San Lázaro non se adiantara antes no marcador, o dominio das xa ascendidas a Segunda Futgal foi total dende o inicio. Cun Arzúa sen demasiadas ideas, a medida que os nervios se foron calmando, o San Lázaro atopou os goles de Iria (2) e Irene (1) para certificar matemáticamente a 2ª praza no campionato, o que asegura, así mesmo, o seu ascenso.

O único gol de Pau deu a vitoria á Comercial fronte ao Carballedo (1-0) nun partido marcado pola calor e con moitos paróns.

Ambos equipos amosaron ocasións, igualados en canto a perigo xerado, pero a balanza decantouse nesta ocasión pola Comercial.

O Carballedo, pese a que xogou un bo partido, non foi quen de franquear a boa defensa despregada polas de Vicky que se levarían o encontro xa nos últimos intres do partido.

Aínda que as lucenses dominaron a primeira parte do partido, acusaron a falta de efectividade e só puideron marchar ao descanso cun gol de vantaxe (1-0).

Unha facultade, a de anotar, que si amosaron as visitantes, o Cruces, cunha magnífica segunda parte remontou o partido grazas en parte aos 2 goles a balón parado para certificar, finalmente, o 1-3 favorable ao Cruces.

As monfortinas dominaron o choque de inicio a fin, non só tendo a posesión do balón, senón tamén xerando multitude de ocasións como así reflicte o resultado final, un 4-1 favorábel ás locais que, porén, puideron levarse o partido por unha vantaxe moito maior tendo en conta as innumerábeis ocasións de perigo das que desfrutaron.

O Negreira viuse totalmente superado polas xogadoras dirixidas por Meilán, que suman unha nova vitoria.

Na xornada de Copa, o PM Friol B derrotou á Comercial cun 1-2 no marcador final pese a que o conxunto friolés tivo serias dificultades para atopar o gol fronte a unha Comercial ben posicionada defensivamente.

As locais sacaron o mellor de si para defender con todo a un equipo que está unha categoría por enriba delas e deu a talla. As de Vicky amosaron que non se ían rendir ata escoitar o asubío final e loitaron ata o último minuto pola vitoria.

Cos goles de Alba e Nerea, o PM Friol B avanza xa de rolda na Copa. As xogadoras máis destacadas do encontro foron Alba para o PM Friol B e Estefany no Comercial.