Sen tempo casi para asimilar os resultados da derradeira xornada da primeira fase, os conxuntos lucenses da Preferente xa coñecen a súa folla de ruta para a segunda fase, tanto na fase de ascenso como de permanencia.
FASE DE ASCENSO
- Arteixo: 6 puntos
- Sarriana: 6 puntos
- Betanzos: 4 puntos
- Sigüeiro: 4 puntos
- Paiosaco: 3 puntos
- Montañeros: 3 puntos
- Fisterra: 2 puntos
- Lemos: 2 puntos
- Mugardos: 1 punto
- Dubra: 1 punto
Nestas dez xornadas os nosos representantes, Sarriana e Lemos terán que xogar, a dobre volta contra os cinco conxuntos cos que non se enfrontaron na primeira volta. A Sarriana debutará no campo do Dubra, mentres que o Lemos xogará tamén a domicilio no feudo do Arteixo, un dos grandes favoritos.
Os dous primeiros clasificados acadarán o ascenso mentres que o terceiro xogará contra o terceiro do grupo Sur a fase previa da Copa do Rei.
FASE DE PERMANENCIA
Os equipos divídense en tres grupos, entre os que se atopan cinco conxuntos lucenses: Ribadeo, Residencia, Santaballés, Foz e Escairón. Cada equipo ante os catro rivais do seu grupo a dobre volta e descederán a Primeira Autonómica os dous últimos clasificados. É preciso ter en conta o «efecto arrastre» procedente dos descensos de Terceira, polo que algún dos terceiros clasificados poden rematar tamén baixando de categoría.
- GRUPO D1
- O Pino: 7 puntos
- Ribadeo: 6 puntos
- Puebla: 4 puntos
- Residencia: 3 puntos
- Estudiantil: 1 punto
O Ribadeo comezará a segunda fase esta fin de semana no Pepe Barrera diante do Estudiantil, a priori, o equipo máis feble do grupo. A Residencia descansará nesta primeira xornada. Na segunda xornada, na Cheda mediranse Residencia e Ribadeo.
- GRUPO D2
- San Tirso: 7 puntos
- Boimorto: 5 puntos
- Victoria: 4 puntos
- Laracha: 2 puntos
- Foz: 1 punto
O Foz comezará no Martínez Otero diante do Laracha, conxunto que o precede na clasificación, polo que un triunfo dos mariñáns na primeira xornada cando menos, faríalle abandonar a derradeira posición.
- GRUPO D3
- Boiro: 6 puntos
- As Pontes: 5 puntos
- Xallas: 3 puntos
- Santaballés: 2 puntos
- Escairón: 0 puntos
O Santaballés terá xornada este próximo fin de semana mentres que o Escairón xogará no Municipal fronte ao Boiro. Na segunda xornada teremos derbi provincial no campo da Liga.
