Arde Lucus! E arde o noso mercado. Na Mariña non paran. O Ribadeo confirmou o regreso do ‘killer’ focego. David Rodríguez volta ao Pepe Barrera logo dunha tempada na Terceira División co Ribadumia. No outro extremo desta fermosa comarca, o Viveiro perde dous efectivos. O lateral esquerdo Jorge García deixa o clube ao igual que Popo, que se despediu cunha emotiva mensaxe nas redes sociais. Así mesmo, os de Cantarrana pecharon dous amigables. O primeiro ante Deportivo B (23/07) e o segundo ante o Racing Villalbés (15/08). Moi preto de alí, en Celeiro xa saben cando hai que recuperar o mono de traballo. 0 2 de agosto volverán á actividade.

Regresamos á capital e hoxe toca falar da súa base. O Sagrado Corazón contará con Dani Díaz coma coordinador unha tempada máis. Espectacular campaña dos das Gándaras, que manterán no seu staff a Brais Rozados, Diego Anido e Édgar Vázquez. O que non estará a próxima campaña é Andrés Rochela, home de clube que non pode compaxinar os seus estudos coa entidade capitalina.

Ademais, na base do Lugo xa se coñecen tres saídas: as de Jaime Paz, Fran Fernández e Edu Rodríguez. No capítulo de entradas salienta a do xovencísimo Brais Prados, que chega dende Castro para facerse cargo dun dos seus equipos de Liga Galega.

Por último, non nos podemos olvidar do Pichichi da Terceira División. O lucense Uxío estrearase esta campaña na Segunda División B. Vestirá a camisola do Deportivo B.