Iván González: «Necesitamos a todo o mundo»

Oito partidos. Oito finais. Así afronta o Atlético Escairón a recta final da temporada na Preferente. Dous meses nos que cada fin de semana se librará unha nova batalla pola permanencia. A situación é complicada no Saviñao mais os novos preparadores atópanse capacitados para o reto. Iván González, peso pesado do equipo, forma parte do mesmo. Ademais da súa responsabilidade como xogador, agora conta co engadido da parcela técnica.

FUTBOLINLUGO: Boas Iván! Antes de nada, como se atopa o equipo?

IVÁN GONZÁLEZ: Estamos nunha situación delicada. Cando se chega a esta situación con dous adestradores, sempre é complicado. O bo é que seguimos dependendo de nós mesmos. Quedan oito partidos e ímolo tentar ao final. Aínda que sabemos que é complicado.

FIL: Por onde pasan as opcións de permanencia do Atlético Escairón?

I. G: Non sei cantos puntos habería que sacar. As nosas opcións pasan por ir partido a partido. O fundamental agora é recuperar á xente que temos lesionada para o primeiro partido que temos ante o Arteixo.

FIL: Falabas antes de cambios de adestradores. Pillouvos por sorpresa a marcha de Charly?

I. G: Eu respeto a decisión de todo o mundo. Para min, sí que nos colleu por sorpresa. Eu pensei que ía quedar ata final de temporada. Agora, respetalo e nada máis.

FIL: E agora, ademais do teu cometido no campo… tamén tes o engadido da dirección dos xogadores.

I. G: Non levo moi ben a situación. A Iago e a min pedíronnos que colaboraramos co clube botando unha man. E hai que facelo. É algo polo que non imos cobrar un duro, queremos axudar aos xogadores. A súa actitude é impresionante, axudan en todo.

FIL: Quen vos fixo esa petición? Quen solicita a vosa man?

I. G: Coa marcha de Charly, o clube tentou fichar a algún adestrador. As negociacións non fructificaron. Dixéronnos que máis cambios serían unha tontería polo tema de chegar e non coñecer á xente. Que nós conociamos ben a plantilla… Preguntásenos e contestamos que fagan o que eles vexan oportuno.

FIL: Entón o rol de Javi López non é o habitual dun técnico?

I. G: Él é o adestrador pero chega a un clube que non coñece. Nós o que facemos é axudarlle a coñecer aos xogadores. En ningún momento nos metemos ao papel de adestradores, nin nos gusta iso. Iago ten a desgraza de estar lesionado pero eu o que quero é xogar e axudar no campo.

FIL: Dende agora, imaxínome que xa estaredes pensando no seguinte encontro ante o Atlético Arteixo…

I. G: A situación é complicada pero hai que preparar ese partido. O principal é que a xente se recupere. Necesitamos a todo o mundo. En Viveiro lesionáronse tres xogadores importantes, Javi o porteiro está tamén lesionado… A partir de aí, temos que preparar ese partido.

FIL: Falabas do partido de Viveiro. Un encontro no que apareceron de novo nomes e homes que non acostumaban estar nas últimas semanas. Vénseme á mente, César sen ir máis lonxe…

I. G: Alí perdemos 4-2 e foi o mellor partido da temporada. Todo o mundo é importante nunha plantilla. Por exemplo, no caso de César teño amizade personal con él. Díxenlle que o vía unha persona triste e que tiña que ser o mellor xogador que hai na plantilla. É dos mellores xogadores que temos. Pode marcar diferenzas. Fixo un auténtico partidazo, tanto él coma Quiroguita.

Fotografías: Melanie de la Fuente

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.