Nada cambia nos primeiros postos da clasificación en ningún dos grupos da Segunda Galicia. Burela e Friol seguen con paso firme na búsqueda do ascenso á Primeira Autonómica, acompañados nestes momentos por un Pol que non perde dende a chegada ao banco de Roberto Rielo e por un Chantada B que parece recuperar as sensacións que o fixeron líder na primeira volta.
Galería fotográfica do encontro entre o @IberiaCF e o @EDLOURENZA disputado no campo das Valgas. Xentileza de @LauraTpl https://t.co/xVqACTpreG
— Futbolinlugo (@futbolinlugo) March 14, 2018
O Burela sumou a décima vitoria consecutiva, desta volta na Marosa e con claridade diante do Meira. O conxunto da Mariña só recibiu un gol nos últimos seis partidos. Segundo é agora o Pol que derrotou pola mínima no duelo directo da xornada ao equipo que ocupaba esa praza, o Guitiriz. Aínda así, a igualdade segue sendo máxima xa que os dous equipos quedan empatados a puntos, xunto co Folgueiro que derrotou a domicilio ao Abadín. A dous puntos queda agora o Lourenzá logo de caer na súa visita a un Iberia que escapa dos postos de perigo. Na parte alta, tamén fallou o Cabreiros que non pasou do empate ante o Mondoñedo.
O Roupar supera na clasificación ao Cospeito (empatados a puntos) logo de derrotalo na súa casa nun encontro no que Esteban volveu tela puntería afinada e asinou un dobrete. Tamén medra cara arriba a Candelaria que venceu a domicilio a un Ourol que deu a cara. No partido pola parte baixa, o Alfoz alimenta as súas esperanzas de saír dos postos de descenso directo ao vencer ao Matela e reducir a distancia co cadro de Outeiro a só dous puntos.
📈 O @SDCSanLazaro refórzase coa chegada de Iago García, procedente da #SGComercial para o tramo final de liga na #SegundaGalicia. Ex xogador tamén do #SantaComba
— Futbolinlugo (@futbolinlugo) March 10, 2018
No grupo sur, o Friol tamén segue o seu e conseguiu a cuarta vitoria consecutiva diante dun bo Portomarín. O equipo adestrado por Rafa Casanova non perde dende a última fin de semana de novembro. Séguelle o Chantada B, que se mantén en postos de ascenso por segunda semana seguida logo de derrotar no duelo de filiais ao Monterroso. A dous puntos, na persecución está o Chantada Atlético que tamén gañou; e con claridade ante o Sporting Lucense. Aínda con opcións segue o Oural que venceu na súa visita ao Palas; o San Lázaro a pesar de encaixar a súa segunda derrota consecutiva (desta volta ante un gran Becerreá), despois da boa xeira de catorce encontros sen coñecela; e o Santa Comba que volveu ao camiño da vitoria ante o Antas.
Na zona media o Brollón sumou un punto que lle permite seguir distanciándose dos postos baixos ante unha Milagrosa que segue na zona baixa, pero que non sabe o que é perder nos últimos catro partidos. O duelo entre os dous equipos que ocupan os postos de descenso caeu do lado do Rubián que se aferra as súas posibilidades de salvación.
